32:516  ce  verset  est  telle,  que  David  demande,  que  son  integrite  soit  maintenue  de  Dieu.  Or  la  cause  est  adioustee  quant  et  quant,  Car  mesmes  les  Princes  se  sont  assis  en  leurs  sieges,  sous  ombre  de  iustice,  et  la  ils  Vont  condamne.  Or  c'estoit  une  griefve  tentation  a  David,  que  non  seulement  on  se  mocquoit  de  luy  aux  tavernes,  que  la  il  estoit  blasonne  par  les  brocards  de  gens  dissolus,  qu'on  en  parloit  par  les  rues  et  par  les  marchez,  mais  qu'au  siege  de  iustice  (qui  devroit  estre  sacre)  que  la  il  falloit  qu'il  fust  diffame  du  tout,  qu'on  le  condamnast  comme  un  homme  meschant  et  maudit.  Quand  donc  David  voit  qu'il  est  traitte  si  iniustement  il  fait  sa  complainte  a  Dien:  et  dit,  Seigneur  mesmes  les  princes  et  les  gouverneurs  se  sont  assis  pour  deviser  contre  moy:  et  neantmoins  ie  n'ay  pas  laisse  de  m'exercer  en  tes  statuts.  Or  en  somme  nous  avons  a  recueillir  de  ce  passage  cy,  que  s'il  faut,  quand  nous  aurons  chemine  droit  et  en  bonne  conscience,  que  nous  soyons  faussement  calomniez,  qu'on  nous  accuse  de  cecy  ou  de  cela  en  quoy  nous  n'avons  iamais  pense:  nous  devons  porter  le  tout  patiemment,  car  nous  ne  sommes  point  meilleurs  que  David.  Que  nous  protestons  tant  que  nous  voudrons  de  nostre  integrite.  David  a  chemine  et  devant  Dieu,  et  devant  les  hommes,  autant  fidelement  que  nul  de  nous  pourroit  faire,  et  toutesfois  nous  voyons  qu'il  a  este  assubietti  a  telles  calom*  nies.  Que  nous  soyons  donc  patiens,  quand  le  semblable  nous  adviendra.  Mais  suyvons  aussi  son  exemple  en  ce  qu'il  adiouste,  c'est  que  nous  ne  soyons  point  descouragez:  voyans  que  nous  aurons  une  recompense  si  mauvaise  et  si  iniuste  du  cost&  des  hommes,  que  nous  ne  laissions  point  pour  cela  de  nous  exercer  aux  commandemens  de  Dieu.  Et  comment  pourrons-nous  estre  ainsi  patiens:  II  faut  que  nous  venions  a  ce  qu'il  dit,  c'est  ascavoir,  que  nous  prenions  toute  nostre  resiouissance  aux  commandemens  de  Dieu.  C'est  une  sentence  qu'il  reitere,  laquelle  nous  avons  touchee  par  cy  devant,  et  pour  ceste  cause,  il  n'est  ia  mestier  de  s'y  arrester  d'avantage.  Tant  seulement  cognoissons,  quand  David  dit  qu'il  a  prins  tout  son  plaisir  aux  commandemens  de  Dieu,  qu'il  faut  (a  son  exemple)  que  nous  apprenions  de  faire  le  semblable.  Il  adiouste,  Ge  sont  les  gens  de  mon  conseil.  Voyci  un  mot  qui  merite  bien  d'estre  poise  de  nous,  quand  David  appelle  les  commandemens  de  Dieu,  Les  hommes  de  son  conseil:  car  il  signifie  en  premier  lieu,  qu'il  pourra  despiter  toute  la  sagesse  des  plus  habiles  et  expers  du  monde,  tous  les  beaux  advI3  et  les  plus  apparens  que  se  forgent  ceux  qui  se  prisent  tant  et  plus,  et  sont  aussi  prisez  de  tous,  moyennant  qu'il  ait  pour  conduite  la  Parole  de  Dieiv  et  qu'il  se  laisse  gouverner  par  icelle.  Voyla  le  premier  qu'il  a  voulu  dire.  Le  second  est,  que