25:516  vivo  Iosue  fieri  necesse  fuit,  quia  post  eius  mortem  minus  ad  obsequium  propensi  fuissent  Israelitae.  Nemo  enim  successit  cuius  autoritas  rem  ita  difficilem  impetraret.  Ad  haec  quia  iam  per  os  Mosis  Deus  ita  fieri  mandaverat,  nisi  partibus  sibi  impositis  defunctus  esset,  labefactatum  fuisset  totum  opus  sublato  legitimo  ministro.  Porro  tametsi  non  designatur  tempus,  probabile  tamen  est,  quum  spes  non  esset  Iosue  vivo  et  superstite  populum  rursus  arma  sumpturum,  ut  fines  suos  latius  extenderet,  tunc  demum  terram  partiri  aggressum:  ac  si  clamaret  ac  solenni  testificatione  promitteret  effectum  distributionis  ratum  fore,  quia  Dei  veritas  hominis  interitu  non  excideret.  2.  Haec  est  terra.  Revocantur  in  memoriam  veteres  termini  pridem  a  Deo  positi:  ut  certo  persuasi  sint  Iosue  et  populus,  foedus  cum  Abraham  percussum  tandem  completum  iri  omni  ex  parte.  Quare  iubentur  ad  ea  quae  restant  acquirenda  studium  suum  adiicere.  Apta  vero  erit  anagoge,  si  accommodetur  haec  perseverantia  ad  eam  quae  a  nobis  exigitur:  nempe  ut  quae  retro  sunt  obliti  enitamur  ad  praemium  supernae  vocationis,  et  nos  ad  signum  propositum  extendamus.  Nihil  enim  profuerit  in  stadio  cucurrisse  nisi  ad  metam  usque  pertingere  studeamus.  Exordium  fit  a  fluvio,  qui  Aegyptum  versus  mare  disterminat  a  terra  sancta:  sive  is  sit  Nilus,  ut  nos  ex  recepta  opinione  vertimus:  sive  exiguum  flumen  quod  oppidum  Rhinocorneam  *)  alluit,  quae  a  multis  creditur  esse  Raphia  vel  Raphane.  Extra  controversiam  quidem  est,  ab  ea  plaga  haereditatem  populi  contiguam  Aegypto  fuisse.  Etsi  autem  consensum  plurimum  sequutus  sum,  non  ultra  protensos  fuisse  limites  quam  ad  agrum  minus  cultum  et  quasi  desertum,  ne  damnosa  esset  nimia  vicinitas,  si  familiaris  et  proprior  cum  Aegyptiis  fuisset  usus:  diversam  tamen  sententiam  minime  repudio.  In  primo  versu  nascitur  quaestio:  quia  postquam  dictum  est  quinque  fuisse  circa  littus  maris  principatus,  adduntur  sexto  loco  Avaei.  Quidam  non  censeri  inter  quinque  existimant,  quia  ignobilis  fuerit  provincia.  Verum  cogitent  lectores,  annon  potius  obliqua  sit  antithesis  inter  populum  liberum  et  sui  iuris,  ac  quinque  principatus.  Quia  igitur  diversa  fuit  Avaeorum  conditio,  seorsum  numerantur.  Et  ideo  nomen  plurale  ad  distinctionem  est  positum.  Caeterum  principatuum  recitatio  non  ex  cuiusque  dignitate  vel  opulentia  petita  est,  sed  primum  gradum  obtinet  Aza,  quia  Aegypto  vicinior,  quae  eadem  ratio  in  Asdod  et  reliquis  valet.  Graeci  suo  more  supponunt  suum  y  loco  y-  Atque  ita  Gazam  nominant  quae  Hebraeis  est  Aza:  sicuti  ex  Amorrha  Gomorrham  faciunt.  Quo  satis  detegitur  eorum  error  qui  finxerunt  nomen  esse  persicum  ab  1)  Sic  omnes  editiones.