20:516  tine  en  ses  erreurs  il  merite  qu'on  le  fuye  comme  une  peste  mortelle.  Et  puis  qu'il  combat  notoirement  contre  toute  l'escripture  saincte,  qu'il  soit  tenu  comme  condamne  de  soymesme  ainsi  que  S.  Paul  nous  exhorte  de  faire.  Mais  afin  que  les  fidelles  scachent  quelle  ordure  est  cachee  en  ses  articles  pour  la  detester,  combien  qu'il  confesse  Jesuchrist  estre  Dieu,  neanmoins  il  le  faict  second  et  tout  aultre  et  divers  de  Dieu  son  pere  ce  qui  appert  par  le  premier  article.  Item  en  appellant  Jesuchrist  oracle  par  lequel  Dieu  s'est  voulu  manifester  au  monde,  comme  si  quelquun  faisoit  ouyr  sa  voix  sans  estre  veu,  il  luy  oste  son  eternite  et  nye  plainement  que  le  monde  ait  este  cree  par  luy  veu  qu'il  mect  son  commencement  du  temps  que  Dieu  s'est  voulu  declerer  aux  hommes.  Le  3e  article  est  du  tout  fantasticque  en  ce  quil  dict  que  Jesuchrist  a  este  faconne  a  la  facon  d'homme  quant  les  anges  sont  apparus  soubz  figure  humaine.  Car  combien  que  desia  Dieu  ait  voulu  signifier  quil  envoieroit  son  filz  au  temps  de  plenitude  estant  vestu  de  chair,  si  est  ce  que  les  corps  qui  ont  este  pour  lors  donnez  aux  anges  n'ont  point  este  fantosmes.  Au  4  e  article  il  reitere  que  le  pere  seul  est  Dieu  et  que  seulement  il  s'est  manifeste  comme  en  paincture  en  la  chair  de  Christ.  Et  combien  quau  5.  et  6.  article  il  tasche  de  radoubber  cela,  ce  n'est  que  fainctise  et  cavillation  d'aultant  quil  imagine  une  seconde  essence  derivee  ou  une  abstraction  procedente  de  celuy  quil  recongnoist  pour  seul  vray  Dieu.A  u  7e  article  il  combat  si  vilainement  contre  toute  l'escripture  que  coste  abomination  seule  monstre  bien  quil  est  mis  en  sens  reprouve.  Car  en  appellant  erreur  ce  que  toute  l'escripture  afferme,  ascavoir  que  Jesuchrist  a  este  conceu  de  semence  humaine,  il  fault  bien  qu'il  soit  poulse  de  fureur  diabolicque.  Et  d'aultant  que  nous  pouvons  hardiment  mauldire  et  anathematiser  tous  ceulx  qui  esperent  salut  ailleurs  qu'en  la  semence  d'Abraham,  ce  meschant  ne  doibt  estre  tenu  entre  nous  que  pour  desespere:  ioinct  l'impudence  diabolicquo  par  laquelle  il  ose  desmentir  tant  le  prophete  que  levangeliste  en  ce  qu'ilz  disent:  voicy  une  vierge  concevra  etc.  Le  8e  article  n'est  quune  cachete  de  Terreur  et  impiete  de  Nestor.  Car  combien  quil  confesse  en  apparence  quelques  choses  vraies,  si  est  ce  qu'il  abolit  la  personne  de  Jesuchrist  en  laquelle  il  a  uny  deux  natures.  Cependant  il  retient  tousiours  son  illusion  diabolicque  que  Jesuchrist  avoit  este  auparavant  image  de  Dieu  estant  faconne  en  homme  en  gergonnant  que  lors  qu'il  a  converty  en  essence  corporelle  une  partie  de  la  substance  de  sa  mere  il