[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


37:515  515  PRAELECTIONES  516  caecitas,  ut  quum  impetebatur  ab  Assyriis,  fugeret  in  Aegyptum,  hoc  est,  peteret  auxilium  ab  Aegyptiis,  et  foedus  cum  illis  percuteret  :  postea,  si  qua  mutatio  contingeret,  expetebat  foedus  cum  Assyriis,  et  emebat  etiam  maxima  mercede.  Hanc  igitur  vesaniam  nunc  propheta  castigat  quum  dicit,  Quid  tibi  ad  viam  Aegypti?  hoc  est,  quid  proficis?  quanta  est  illa  stultitia,  dum  sentis  manifeste  iram  Dei,  et  te  affligi  tot  malis?  quoniam  Deus  tibi  est  adversus,  et  interea  non  cogitas  de  reconciliatione.  Haec  erat  tua  sanitas,  ad  Deum  confugere,  et  habere  illum  propitium:  tu  autem  quid  agis?  interea  confugis  ad  Assyrios  et  Aegyptios.  Quam  misera  est  ista  conditio,  et  quanta  est  haec  stultitia,  quod  ita  te  fatigas,  et  sine  profectu?  Discamus  autem  ex  hoc  loco  quoties  Deus  delicta  nostra  castigat,  quaerendum  esse  remedium,  et  non  acquiescendum  esse  in  vanis  solatiis,  quibus  nos  subinde  inescat  Satan:  tales  enim  illecebrae  inducent  tandem  nobis  veternum,  et  morbi  qui  erant  curabiles  mali  accessione  lethales  reddentur.  Quid  ergo  nobis  agendum  est?  simul  ac  sentimus  ferulas  Dei,  quaeramus  cum  ipso  redire  in  gratiam  :  ita  studium  nostrum  profectu  non  carebit.  Si  autem  circumspiciamus  in  diversas  partes,  adeo  non  mitescent  mala  nostra,  ut  potius  exasperentur.  Bibere  aquas  Nili,  et  bibere  aquas  Euphratis,  nihil  aliud  est  quam  petere  hinc  et  inde  suppetias.  Alludit  quidem  ad  legationes  quae  missae  fuerant:  quoniam  in  Aegyptum  proficiscentes  bibebant  aquas  Nili,  alii  vero  Euphratis.  Interea  tamen  allegorice  loquitur:  quasi  diceret:  Deus  paratus  erat  tibi  opitulari  si  ad  eius  misericordiam  te  reciperes,  quasi  ad  asylum:  tu  autem  eo  neglecto,  putas  magis  tibi  utile  fore  subsidium,  quod  afferent  vel  Aegyptii,  vel  Assyrii:  tu  igitur  quaeris  potum  in  longinquis  regionibus:  atqui  Deus  dat  tibi  aquas.  Et  videtur  respicere  ad  similitudinem,  quam  paulo  ante  posuit.  Vocaverat  Deum  fontem  aquarum  viventium:  quasi  diceret,  Deus  est  tibi  fons  irriguus  et  perennis,  et  nunquam  deesset  tibi  aquarum  copia,  si  in  eo  acquiesceres:  tu  autem  vis  bibere  aquas  Nili  et  aquas  Euphratis.  Nunc  ergo  tenemus  consilium  prophetae.  Et  procul  dubio  loquitur  de  aquis  Nili  et  Euphratis,  quoniam  in  speciem  uterque  populus  pollebat  et  divitiis,  et  omni  genere  opulentiae,  et  copia  etiam  hominum.  Quum  ergo  populus  Israel  confideret  talibus  praesidiis,  propheta  hic  obiurgat  eius  ingratitudinem,  quod  non  contentus  sit  Dei  auxilio,  tametsi  non  ita  visibile  et  conspicuum  est.  Deus  enim  habet  quantum  nobis  sufficit,  et  si  uno  ipso  essemus  contenti,  certe  suppeteret  ad  satietatem  larga  bonorum  copia:  et  quia  non  fatigatur  in  sua  beneficentia,  suppeditaret  nobis  quidquid  esset  optabile.  Sed  quoniam  non  possumus  conspicere  oculis  carnis  eius  beneficentiam,  ideo  rapimur  post  mundi  illecebras.  Discamus  ita-   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci