32:515  515-  TROISIEME  SERMON  516  de  ce  qui  est  contenu  en  l'Escriture  saincte,  pour  appliquer  le  tout  a  nostre  usage  et  profit.  Voyla  quant  au  premier  poinct  que  nous  avons  yci  a  noter,  c'est  ascavoir,  si  Dieu  fait  quelque  punition  sur  un  homme,  que  nous  avons  a  recueillir  de  la  une  instruction  generale,  et  conclurre  que  tous  ceux  qui  se  destournent  des  commandemens  de  Dieu,  sont  maudits.  Or  il  y  a  le  second  point,  qui  est  aussi  bien  notable:  c'est  ascavoir  qu'il  ne  faut  point  que  nous  attendions  que  Dieu  frappe  sur  nous:  mais  qu'estans  advertis  par  ce  qu'il  nous  monstre  de  loin,  nous  prevenions  les  chastiemens  et  corrections  qui  nous  pourroyent  advenir  en  la  fin.  C'est  ce  que  nous  avons  a  recueillir  en  somme  de  ce  qui  est  yci  dit.  Que  tous  ceux  qui  se  destournent  des  commandemens  de  Dieu,  seront  maudits.  Et  au  reste,  retenons  aussi  en  troisieme  lieu,  que  toute  la  felicite  que  les  hommes  imaginent,  quand  ils  s'esloignent  de  Dieu,  n'est  que  malediction:  et  qu'il  faut  en  la  fin  que  la  sentence  de  nostre  Seigneur  Iesus  soit  accomplie,  Malheur  sur  vous  qui  riez:  car  il  vous  faudra  plorer,  et  vostre  ris  sera  converty  en  grincement  de  dents.  Cognoissons  donc,  cependant  que  le  povre  monde  s'esgare,  qu'il  luy  semble  qu'il  est  venu  au  comble  de  tous  ses  souhaits,  qu'il  a  obtenu  son  souverain  bien,  que  c'est  alors  qu'il  est  en  son  plus  grand  malheur.  Et  pourquoy?  Car  tous  ceux  qui  se  destournent  de  Dieu,  sont  maudits,  d'autant  quil  est  la  fontaine  de  tous  biens,  d'autant  que  hors  luy  il  n'y  a  que  tout  mal.  Il  est  vray  que  pour  un  temps  il  permettra  bien  que  les  infideles  s'esgayent,  qu'on  les  estimera  les  plus  heureux  du  monde,  mais  quoy?  tout  cela  leur  retournera  a  plus  grande  confusion.  Il  s'ensuit  puis  apres,  Oste  l'opprobre  et  le  mespris  de  moy,  car  i9  ay  garde  tes  tesmoignages:  Yci  David  fait  une  nouvelle  requeste  a  Dieu,  c'est  ascavoir,  qu'il  le  maintienne  en  son  innocence  et  integrite.  Et  ce  n'est  pas  sans  cause  qu'il  la  fait,  car  nous  voyons  comme  ceux  qui  servent  a  Dieu  en  droiture  de  coeur,  sont  mesprisez,  et  reiettez,  mesmes  qu'on  les  calomnie.  Auiourd'huy,  si  un  homme  chemine  en  simplicite,  incontinent  il  sera  appele  hypocrite.  Tous  ceux  qui  voudront  servir  a  Dieu,  O  les  hypocrites!  o  les  mortifiez!  Voyla  comme  l'integrite  et  simplicite  des  fideles  est  auiourd'huy  vilipendee,  que  le  diable  possede  les  contempteurs  de  Dieu  en  telle  sorte,  qu'ils  desgorgent  leurs  blasphemes,  non  pas  seulement  contre  ceux  ausquels  ils  pensent  s'adresser,  mais  contre  Dieu  mesmes.  Or  ce  n'est  point  d'auiourd'huy  que  ce  mal-la  a  commence:  et  pourtant  nous  faut  il  bien  noter  ce  mot  que  David  met  yci,  quand  il  dit,  Oste  V  opprobre  de  moy,  c'est  a  dire,  Ne  permets  point  que  ie  soye  vilipende  des  hommes,  d'autant  que  i'ay  garde  tes  tesmoignages.  Nous  voyons  donc  que  la  somme  de