9:514  quaeri  tropi  remedium.  Quasi  vero  absurditatem^  carnis  sensu  nobis  metiri  propositum  sit,  vel  Augustino  fuerit.  Quin  potius  testamur  reverenter  nos  amplecti  quod  repudiat  humana  ratio.  Tantum  absurditates  fugimus,  a  quibus  abhorret  sensus  ipse  pietatis  et  fidei.  Literalem  sensum  in  his  verbis:  Hoc  est  corpus  meum,  negamus  fidei  analogon  esse  :  et  simul  asserimus  a  communi  scripturae  usu  remotum,  quoties  de  sacramentis  agitur.  Hanc  nostram  sententiam  cur  refelli  dicat  Heshusius  novi  testamenti  nomine,  nihilo  maior  ratio  est,  quam  si  negaret  metonymice  spiritum  sanctum  vocari  columbam.  Falso  etiam  et  nugatorie1)  iniuriam  Paulo  fieri  dicit,  quasi  eius  explicationem  reiiceremus:  Panis  est  communicatio  corporis:  quando  haec  communicatio  nusquam  locupletius  quam  in  scriptis  nostris  illustratur.  Quae  de  rhetorum  praeceptis  affert,  ostendunt  eum  nunquam  rudimenta  ullius  liberalis  doctrinae  gustasse.  Verum  ne  eius  ineptias  imitando  sim  ridiculus,  tantum  quod  theologo  dignum  est  respondeo:  quamvis  loquutio  figurata  minus  aperta  sit,  significantius  tamen  et  splendidius  exprimere  quod  simpliciter  et  absque  figura  dictum  minus  haberet  efficaciae  et  ornatus.  Itaque  figurae  vocantur  orationis  lumina:  non  quod  facilius  rem  declarent  quam  nudus  et  vulgaris  sermo,  sed  quia  attentionem  conciliant  elegantia,  et  splendore  expergefaciunt  mentes,  vivaque  similitudine  reprae^  sentant  quod  dicitur,  quo  melius  penetret  in  animos.  Quaero  enim  ab  Heshusio,  an  in  Christi  concione,  [pag.  87]  quae  legitur  6.  cap.  Ioannis,  nulla  sit  figura.  Certe,  velit  nolit,  fateri  cogetur  metaphorice  hoc  esse  dictum:  Nisi  comederitis  carnem  filii  hominis,  et  biberitis  eius  sanguinem.  Vident  tamen  omnes  apertius  esse  quod  intelligi  voluit  Christus:  atiimas  nostras  spirituali  carnis  et  sanguinis  eius  participatione  ali  in  coelestem  vitam.  En  cur  de  me  magnifice  triumphet  :  quia  quum  viderem  crassiores  aliorum  insidias  Lutheri  iudicio  detectas  esse  j  metaphoram  pro  mea  versutia  sculpserim,  quae  tamen  nullo  modo  cohaereat.  Fatetur  quidem  verum  esse  quod  doceo,  apte  scilicet  signum  appellari  rei  signatae  nomine  :  sed  h  ic  res  disparatas  mirabili  loquendi  modo  coniungi.  Quid  dicat  audio:  sed  qua  autoritate  probat?  Neque  enim  nos  tantum  despicit,  sed  Brentii  quoque  interpretationem  non  minus  secure  quam  nostram  respuit.  Agedum,  quamvis  persuadeat  se,  quasi  alterum  Pythagoram,  αὐτόπιστον  esse:  quomodo  corpus  Christi  cum  pane  unum  esse  vult?  Respondet:  quomodo  flamma  capitibus  apostolorum  insidens  spiritus  sanctus  fuit,  et  columba  quae  Baptistae  apparuit.  Itaque  vult  inusitato  modo  igneas  linguas  fuisse  spiritum:  columbam  quoque  fuisse  spiritum.  Quid  hic  longa  1)  en  bavant.  33