6:514  plifico.  Agunt  quidem,  ceu  histriones  in  scena,  fabulam,  ut  simulacrum  aliquod  antiqui  moris  repraesentent.  Interrogant  vel  episcopi,  vel  eorum  suffraganei,  num  digni  sint,  quos  destinarunt  ordinare.  Adest  qui  respondeat  dignos  esse.  Neque  vero  procul  quaerendus  est  testis,  aut  pretio  corrumpendus:  quia  enim  caerernoniae  tantum  servit  haec  responsio,  eam  omnes  cubicularii,  tonsores,  ianitores  edocentur.  Iam  post  ordinationem,  minima  in  clericis  scortationis  suspicio,  secundum  antiquos  canones,  corrigi  debet:  si  convictum  fuerit  crimen,  abdicatione  et  excommunicatione  puniendum  est.  Remittamus  aliquid  ex  asperitate  illa  veteri.  Quid  tamen,  quod  quotidiana  in  illis  scortatio  sic  toleratur,  tanquam  iure  permissa  [pag.  106]  foret?  Clericum,  qui  aut  venationi,  aut  aleae,  aut  comessationibus,  aut  choreis  indulgeat,  nullo  modo  ferendum  pronunciant  canones.  Quin  etiam  eradunt  ex  ministerio,  quicunque  infamia  aliqua  notati  sunt.  Similiter  eos  omnes,  qui  se  implicant  profanis  negotiis,  qui  civilibus  officiis  se  ita  immiscent,  ut  abstrahantur  a  ministerii  cura,  qui  denique  non  sunt  in  munere  suo  exsequendo  assidui,  corrigi  graviter,  et  nisi  resipiscant,  deponi  praecipiunt.  Excipient,  tam  aspera  remedia,  quae  ad  vivum  omnia  vitia  resecant,  aetatem  hanc  non  ferre.  Sit  ita.  Neque  enim  tantam  ab  illis  puritatem  flagito.  Sed  tam  effraenem  peccandi  licentiam  in  clericis  dominari,  ut  mundum-  alioqui  corruptissimum  magis  inficiant,  quam  ullus  alius  ordo,  quis  hoc  illis  ignoscat?  Plebis  vero  disciplina  sic  habet:  modo  clericis  maneat  intacta  sua  dominatio,  modo  tributis  ac  rapinis  nihil  depereat,  ut  reliqua  fere  omnia  aut  impune  liceant,  aut  praetereantur  negligenter.  Videmus,  ut  in  omne  genus  nequitiae  passim  diffluxerint  hominum  mores.  Nec  vero  eius  rei  alios  advocabo  testes,  quam  te  ipsum,  invictissime  Caesar,  vosque  illustrissimi  Principes.  Possunt  quidem,  cur  ita  sit,  multae  causae  adduci,  fateor:  sed  inter  multas  haec  prima  erit,  quod  sua  vel  indulgentia  vel  socordia  improborum  libidini  fraena  laxarint  sacerdotes.  Quid  hodie?  Quam  purgandis  vitiis,  aut  saltem  reprimendis,  curam  adhibent?  Ubi  monitiones?  Ubi  censurae?  Excommunicatio,  ut  alia  taceam,  optimus  disciplinae  nervus,  quem  [pag.  107]  habet  usum?  Habent  quidem,  excommunicationis  nomine,  tyrannicum  fulmen,  quod  in  contumaces,  ut  vocant,  iaculantur.  Sed  quam  contumaciam  puniunt,  nisi  eorum,  qui  de  causis  pecuniariis  ad  tribunal  suum  citati,  vel  non  stiterint  se  iudicio,  vel  creditoribus,  propter  inopiam,  non  satisfecerint?  Ita  quod  saluberrimum  erat  ad  corrigendos  noxios  remedium,  eo  tantummodo  ad  miseros  innocentesque  vexandos  abutuntur.  Ridiculum  porro  est,  quod  occulta  facinora  interdum  anathemate  flagellant:  ut  si  furtum  admissum  fuerit,  nec  reperiatur  autor.  Aliena  33