55:514  Encore  les  marque  il  plus  evidemment  et  descovre  d'advantaige  leurs  vices,  afin  que  personne  n'en  soit  trompe  par  ignorance.  Il  les  dit  murmurateurs:  comme  ainsi  soit  que  le  Chrestien  doyve  eviter  tous  murmures  et  mauvais  rappors,  qui  peuvent  engendrer  discors,  et  inciter  desbatz,  ou  malveillance  entre  les  hommes.  Apres  il  dit  qu'ilz  sont  querelleux.  Ce  qui  procede  d'arroganoe  et  impatience  d'esprit:  quand  on  ne  peut  rien  endurer  de  son  prochain,  que  plaintes  et  querimonies  ne  vollent  tousiours.  Le  tiers  est  qu'ilz  cheminent  selon  leurs  cupiditez:  c'est  a  dire,  qu'ilz  sont  addonnez  aux  affections  de  leur  chair,  auxquelles  le  Chrestien  doit  renoncer  pour  se  accommoder  a  la  volunte  de  Dieu  et  celle  de  son  prochain.  Apres  il  met  la  haultesse  en  parolles,  c'est  qu'ilz  ne  peuvent  dissimuler  l'orgueil  de  leur  coeur,  qu'ilz  n'ayent  tousiours  gloires  et  vanteries  en  la  bouche  pour  deprimer  les  autres  par  dessoubz  eux.  Finalement,  la  flatterie.  Car  ilz  applaudissent  a  ceux  qui  ont  apparence  entre  les  hommes,  pour  tirer  de  leur  substance:  mesprisans  les  paovres  et  humbles,  dont  ilz  ne  esperent  nulle  proye.  Mais  vous  bienaymes,  ayant  souvenance  des  parolles  qui  vous  ont  este  predictes  par  les  Apostres  de  nostre  Seigneur  Iesus  Christ  Cest  quHls  vous  ont  dict  qu'au  dernier  temps  y  aura  des  moqueurs  cheminans  selon  leurs  cupidites  d'impiete.  Afin  qu'ilz  ne  se  troublassent  point  voyant  telles  pestes  porter  le  nom  de  Iesus  Christ,  et  que  pour  cela  ilz  ne  perdissent  courage:  il  leur  reduict  en  memoire  comment  les  Apostres  de  nostre  Seigneur  en  avoyent  adverty  les  fideles:  duquel  advertissement  ilz  povoyent  prendre  matiere  de  se  consoler  et  reconforter,  pour  ne  laisser  de  perseverer  en  leur  vocation.  Il  appelle  (selon  la  maniere  de  l'Escriture)  le  dernier  temps  depuis  qu'on  a  commence  d'attendre  la  resurrection  et  l'advenement  dernier  du  Seigneur,  qui  est  tout  le  temps  du  nouveau  Testament  :  pource  que  toutes  choses  ont  ete  accomplies:  sans  qu'il  faille  attendre  nouvelle  Prophetie  ne  revelation  iusque  a  ce  que  le  Seignenr  se  manifestera  aux  siens  face  a  face.  Il  appelle  moqueurs  ceux  qui  contemnent  tellement  les  iugemens  de  Dieu  que  tout  leur  est  ieu  et  farce:  comme  sont  ceux  qui  demandent:  Ou  est  le  iour  du  Seigneur?  Ce  que  les  Apostres  en  ont  admonneste  se  peut  veoir  en  partie  aux  Epistres  a  Timothee  et  en  la  seconde  de  saint  Pierre  et  autres  passages.  Combien  qu'il  parle  plus  des  admonitions  faictes  par  parolles:  mais  il  n'ya  nulle  doubte  qu'elles  ne  ayent  este  semblables  a  celles  qu'ilz  ont  laisse  par  escrit.  33