40:514  excidere,  ideo  multi  interpretes  accipiunt,  eritis  excisi,  hoc  est  iudicabitis  vos  esse  dignos  interitu,  et  quos  Deus  excidat  ac  deleat  e  terra.  Sed  videtur  illud  coactum.  Quia  idem  verbum  significat  interdum  litigare,  significat  et  abominari,  libenter  descendo  in  hanc  sententiam,  quod  erunt  abominabiles,  aut  contempti  coram  facie  sua,  hoc  est,  ita  erunt  pudefacti,  ut  libenter  et  ultro  agnoscant  se  coopertos  esse  ignominia.  Significat  igitur  Ezechiel  fideles  suscepturos  voluntarium  dedecus,  ut  Deum  glorificent  in  pura  illa  et  ingenua  confessione  sui  dedecoris.  Si  quis  malit  exponere,  eritis  damnati,  vel  convicti,  etiam  sensus  ille  non  male  quadraret.  Sed  iam  attuli  quod  visum  fuit  simplicius.  Dixi  autem  hunc  esse  fructum  poenitentiae,  quum  iacemus  confusi  coram  Deo,  et  viles  ac  despecti  sumus  in  oculis  nostris,  hoc  est  ubi  non  tantum  patimur  ab  aliis  nos  damnari,  sed  intus,  intus  reputamus  nostram  ignominiam:  et  ita  deiicimus  nos  sponte  coram  Deo.  Hic  igitur  fructus  est  poenitentiae,  et  haec  est  vera  humilitas,  quae  manat  a  tali  pudore.  Tandem  sequitur,  44.  Et  cognoscetis  quod  ego  Iehovah,  quum  fecero  vobiscum  propter  nomen  meum,  non  secundum  vias  vestras  malas,  et  secundum  opera  vestra  corrupta,  domus  Israel,  dicit  dominator  Iehovah.  Hic  tandem  pronuntiat  Deus  gloriam  suam  in  eo  maxime  conspicuam  fore,  quod  gratis,  et  quidem  solo  nominis  sui  respectu  misertus  fuerit  eorum,  qui  desperati  erant  ac  perditi.  Et  ideo  Paulus  tantopere  gratiam  Dei  celebrat  primo  ad  Ephesios  capite,  ut  illam  misericordiam,  qua  dignatur  suos  electos  vocet  Dei  gloriam  ocat'  eCo^ijv.  Nam  gloria  Dei  longius  extenditur  quam  ad  misericordiam,  Sicut  nomen  tuum  sic  laus  tua  per  omnes  fines  terrae  (Psalm.  48,  l  l  )  .  Deus  itaque  non  minus  gloriae  meretur  quum  perdit  reprobos,  quam  dum  miseretur  populi  sui.  Sed  per  excellentiam  vocatur  a  Paulo  gloria,  gratuitus  ille  favor,  quo  Deus  electos  suos  complexus  est,  ubi  eos  adoptavit.  Sic  etiam  hoc  loco  dicitur,  tunc  cognoscetis  quod  ego  sim  Iehovah,  quia  agam  vobiscum  propter  nomen  meum,  et  non  secundum  scelera  vestra.  Quum  autem  Deus  maxime  in  gratuita  misericordia  velit  gloriam  suam  fulgere,  hinc  colligimus  nimis  crassos  et  apertos  hostes  esse  gloriae  eius,  qui  obscurant  eius  misericordiam,  vel  extenuant,  vel  quantum  in  se  est  in  nihilum  redigere  conantur.  Atqui  scimus  non  alio  tendere  papatus  doctrinam,  quam  ut  gratuita  Dei  bonitas  vel  obruta  iaceat,  vel  implicita  sit  obscura  caligine,  vel  in  totum  evanescat.  Nam  excogitarunt  merita  in  genere,  quae  opponerent  gratuito  Dei  favori.  Iam  merita  distinguunt  in  praeparationes,  in  bona  opera,  quibus  acquirunt  Dei  favorem  :  in  satis-  33