39:514  Continuat  eandem  sententiam.  Dicit  hic  filiam  Sion  nudatam  esse  omnibus  suis  ornamentis.  Scimus  autem  quanta  fuerit  illius  populi  dignitas,  quemadmodum  etiam  Moses  ut  commendet  magnitudinem  gratiae  Dei,  exclamat,  Quae  gens  tam  inclyta  sub  coelo?  quoniam  ergo  fulgebant  in  populo  illo  singularia  Dei  beneficia,  fuit  hoc  tristius  spectaculum,  cernere  urbem,  quae  ita  pollebat  summa  gloria,  spoliatam  omni  decore  et  coopertam  ignominia,  ut  postea  videbimus.  Dicit  ergo  ablatum  fuisse  totum  decorem  filiae  Sion.  Iam  nihil  opus  est  enumerare  omnes  species  decoris  vel  gloriae  urbis  Ierusalem.  Primo  Deus  elegerat  illic  sibi  domicilium:  deinde  illic  erat  regnum  sacerdotale,  populus  erat  sanctus  Deo,  erat  eius  haereditas:  Deus  illic  deposuerat  foedus  suum,  omnes  Iudaeos  censebat  in  filiis  suis,  volebat  etiam  vicissim  censeri  eorum  pater.  Quum  ergo  tot  et  tam  praeclaris  ornamentis  fuissent  locupletati,  non  mirum  est  quod  deplorat  propheta  urbem  illam  esse  spoliatam  omni  suo  decore.  Iam  adiungit  principes  fuisse  quasi  cervos  famelicos.  Nam  cervi,  ut  sunt  agiles  natura,  si  penuria  ipsos  urgeat,  discurrunt  quasi  volarent.  Quoniam  ergo  tanta  est  celeritas  in  illo  animali,  dicit  propheta,  principes  qui  ante  solebant  graviter  incedere,  et  qui  prae  se  ferebant  magnam  aufcoritatem,  fuisse  veloces  tanquam  cervos  famelicos,  quia  ipsi  quoque  laboraverint  omnium  rerum  inopia.  Subiicit  tandem  profectos  esse,  hoc  est,  fugisse  coram  facie  persequutoris  absque  virtute:  quibus  verbis  significat  non  ausos  fuisse  congredi  cum  hostibus,  sed  adeo  fuisse  trepidos,  ut  fugerent,  atque  ita  ostenderent  se  iam  esse  fractos  et  quasi  exanimes.  Sequitur,  7.  Recordata  est  Ierusalem  diebus  afflictionis  suae  et  penuriae  suae  (vel  gemitus  sui  :  alii  vertunt,  vel  migrationis  suae:  deducunt  enim  quidam  hoc  nomen  a  TT),  quod  significat  conqueri,  vel  migrare:  ideo  quidam  vertunt  exsilium,  vel  migrationem,  alii  vero  querimoniam:  sed  alii  deducunt  a  UD,  quod  interdum  significat  deficere:  ideo  transferunt  inopiam  vel  indigentiam.  Cur  alii  vertant  iniquitatem  nescio,  et  nulla  est  causa:  recordata  est  ergo  Ierusalem)  omnium  desiderabilium  suorum,  quae  fuerunt  a  diebus  antiquis,  quum  caderet  populus  eius  in  manum  hostis,  et  nullus  auxiliator  ei:  viderunt  hostes,  subsannarunt  (vel  riserunt)  super  sabbato  (vel  cessatione)  eius.  Confirmat  proximam  sententiam  quum  dicit  Ierusalem  recordatam  fuisse  desiderabilium  suorum  ex  quo  afflicta  fuit  Dei  manu,  et  reducta  in  extremam  penuriam.  Significat  autem  his  verbis,  quum  Ierusalem  esset  in  suo  splendore,  non  satis  reputasse  Dei  beneficia,  quemadmodum  Dei  contemptores  33