35:514  la  de  confermer  leur  foi  quand  Dieu  leur  a  prolonge  leur  vie  :  et  cependant  ils  se  sont  disposez  de  partir  quand  Dieu  les  voudroit  retirer  a  soi.  Auiourd'hui  de  nostre  coste  que  devons-nous  faire?  Nous  avons  desia  declare,  que  maintenant  il  ne  nous  faut  plus  longuement  vivre  pour  sentir  la  bonte  paternelle  de  nostre  Dieu  :  que  quand  nous  ne  vivrions  que  trois  iours  en  ce  monde,  il  suffit  pour  gouster  la  bonte  et  misericorde  de  Dieu,  et  pour  confermer  nostre  foi.  Car  puis  que  nostre  Seigneur  Iesus  Christ  est  mort  et  ressuscite,  il  ne  faut  point  que  nous  soyons  long  temps  au  monde  pour  cognoistre  que  Dieu  nous  est  Pere,  et  que  nous  devons  estre  asseurez  de  nostre  salut.  Pourtant  si  tost  qu'il  nous  donne  cognoissance  de  la  verite  de  son  Evangile,  que  nous  soyons  tousiours  prests  a  mourir,  sachans  qu'il  nous  a  adoptez  pour  ses  enfans  et  qu'il  se  monstrera  nostre  Pere  et  en  la  vie  et  en  la  mort.  Voila  donc  comme  nous  serons  tousiours  rassasiez  de  vivre,  quand  en  nostre  Seigneur  Iesus  Christ  Dieu  nous  a  donne  un  si  bon  gage  de  son  amour,  qu'il  ne  faut  point  que  nous  demandions  qu'il  nous  prolonge  ici  nostre  vie  pour  en  avoir  plus  ample  confirmation.  Pourtant,  prions-le  tousiours,  que  nous  ayant  conduits  en  ce  monde  par  son  sainct  Esprit,  il  nous  attire  a  soi:  et  que  nous  y  venions  rassasiez,  d'autant  qu'il  nous  aura  ici  nourris  et  entretenus,  et  qu'il  nous  monstrera  que  nostre  vraye  vie  et  felicite  permanente  nous  est  apprestee  la  haut.  Or  nous-nous  prosternerons  devant  la  face  de  nostre  bon  Dieu,  etc.  LOVE  SOIT  DIEU.  Calvini  opera.  Vol  XXXV.  33