32:514  David  (lequel  estoit  desia  si  bien  enseigne  en  la  Loy)  ait  eu  encores  ceste  aide  pour  estre  attire  a  Dieu,  c'est  ascavoir  qu'il  vist  les  incredules  estre  punis,  et  que  Dieu,  y  mist  la  main,  ie  vous  prie,  n'avons-nous  pas  besoin  d'une  telle  instruction,  encores  beaucoup  plus?  Et  ainsi,  que  nous  ayons  les  yeux  ouverts,  et  toutes  fois  et  quantes  que  Dieu  fera  quelque  chastiement  en  ce  monde,  qu'il  fera  quelque  punition,  que  nous  soyons  attentifs  k  y  penser,  que  nous  scachions  que  cela  ne  vient  point  a  l'adventure.  Et  quand  Dieu  donne  ainsi  des  soufflets  aux  orgueilleux,  que  nous  cognoissions  que  ce  n'est  pas  seulement  pour  les  punir  en  leurs  personnes,  mais  pour  nous  instruire,  afin  que  nous  pensions  mieux  a  nous:  que  nous  soyons  humiliez,  que  nous  n'attendions  pas  que  le  semblable  nous  advienne.  Car  c'est  un  grand  avantage  que  Dieu  nous  fait,  quand  il  chastie  les  autres  pour  nostre  instruction:  comme  aussi  c'est  une  grande  sagesse  de  se  pouvoir  chastier  aux  despens  d'autruy,  comme  on  dit  en  proverbe  commun.  Et  aussi  l'intention  de  Dieu  est  telle.  Ainsi  donc  cognoissons  la  grace  qu'il  nous  fait  quand  il  nous  propose  ses  iugemens,  qu'il  nous  advertit  de  nos  fautes,  afin  que  nous  cheminions  tant  mieux  en  sa  crainte,  pour  luy  obeir:  voire,  et  qu'il  fait  cela  en  chastiant  les  autres  a  nostre  profit,  comme  i'ay  desia  dit.  Et  notamment  il  adiouste,  Tous  ceux  qui  declinent  de  tes  commandemens,  ou  qui  en  sont  destournez,  sont  maudits.  Par  cela  il  monstre  encores  et  exprime  d'avantage  ce  que  nous  avons  desia  declare,  c'est  ascavoir,  comme  il  a  este  tant  plus  enseigne  de  cheminer  selon  Dieu,  par  les  punitions  qui  sont  advenues  sur  les  orgueilleux.  Or  il  fait  ceste  conclusion  generale,  Que  tous  ceux  qui  se  destournent  des  commandemens  de  Dieu,  sont  maudits.  Dequoy  nous  avons  a  recueillir  en  premier  lieu,  que  les  iugemens  de  Dieu  particuliers,  ne  nous  doyvent  point  servir  pour  un  fait  seul  :  mais  que  nous  les  devons  appliquer  a  une  instruction  generale  de  toute  nostre  vie.  Comme  quoy?  Quand  nous  voyons  que  Dieu  punit  une  personne,  o  il  ne  nous  faut  point  estre  arrestez  sur  un  tel  acte,  pour  dire  qu'il  n'y  ait  qu'un  seul  personnage  qui  en  doyve  estre  puni  de  Dieu:  mais  il  faut  conclurre  (suyvant  ce  que  dit  sainct  Paul)  Dieu  n'a  point  acception  de  personnes.  Or  il  a  puni  un  tel  crime,  il  faut  donc  dire  que  ce  crime  luy  desplaist  en  tous.  Comme  en  l'autre  passage  il  monstre,  puis  que  Dieu  a  fait  une  si  grande  desconfiture  sur  ce  peuple  d'Israel  pour  l'idolatrie,  que  nous  devons  conclurre  que  l'idolatrie  luy  est  en  abomination.  Autant  en  est-il  des  paillardises,  des  murmures,  des  rebellions,  des  meschantes  convoitises.  Et  tout  cela  (dit  S.  Paul)  nous  doit  servir  comme  de  peinture,  afin  que  quand  nous  verrons  le  semblable  advenir,  nous  ayons  memoire  33