25:514  (Gen.  12,  7.  et  13,  15.  et  15,  18):  tempus  quoque  donationi  praefixum  fuerat.  Hic  viva  fidei  a  Deo  praestitae  effigies  non  secus  occurrit,  quam  si  nos  Deus  in  rem  praesentem  adduceret.  Octogenarius  erat  Iosue  quum  terram  ingressus  est.  In  sene  qui  potuit  tantum  esse  vigoris,  ut  tot  bellis  gerendis  et  perferendis  militiae  oneribus  sufficeret,  nisi  coelesti  virtute  suffultus  humanum  modum  superasset?  Continuus  autem  vincendi  tenor,  prosperitas  in  quoslibet  eventus,  non  dubia  nec  varia  in  expugnandis  urbibus  facilitas,  expeditionum  celeritas,  et  inflexibilis  constantia,  nonne  cl^ra  manus  Dei  fuerunt  documenta,  perinde  ac  si  e  coelo  apparuisset?  Atque  hoc  consilio  suis  limitibus  finiuntur  regiones,  ex  quarum  amplitudine  melius  elucescat  Dei  potentia:  sed  tantum  apud  eos  quibus  cognitus  est  earum  situs.  Itaque  nisi  quis  chorographian  teneat,  in  nominibus  longius  insistere  et  vanae  curiositatis  esset.  Fateor  quidem  utiliter  observari  loca,  quorum  ut  saepe  fit  in  scripturis  mentio,  ita  cognitio  paulo  familiarior  nobis  esse  debet.  Sicuti  dum  termini  statuuntur  in  torrente  Iabboc,  in  agro  Libani  et  lacu  Genesara,  qui  hic  vocatur  mare  Cineroth,  et  alibi  Cinereth.  Nam  mediocris  observatio  ad  historiam  intelligendam  nos  iuvabit.  Si  autem  ultra  non  datur,  sinamus  peritos  subtilius  quae  nos  fugiunt,  excutere.  Etsi  autem  his  regulis  angustae  fuerunt  ditiones,  neque  magni  populi:  videbimus  tamen  primariis  earum  urbibus  annexa  fuisse  multa  oppida:  numerus  praesertim  ex  sorte  Levitarum  colligi  poterit.  Iam  altera  ex  parte  si  reputemus  quomodo  angulus  unus  senes,  parvulos,  ac  mulieres,  imo  magnam  partem  populi  cum  animalibus  capere  et  alere  potuerit,  in  admirationem  nos  rapiet  inaestimabilis  Dei  gratia,  qua  factum  est  ne  horribili  confusione  omnia  miscerentur.  CAPUT  XIIL  1.  Quum  autem  senuisset  Iosue,  et  venisset  in  dies,  dixit  ei  Iehova:  Tu  senuisti,  venisti  in  dies,  et  multa  terra  admodum  superest  ad  possidendum.  2.  Haec  est  terra  quae  residua  est:  omnes  limites  Philistinonum,  et  omnis  Gessuri.  3.  A  Nilo  qui  est  e  regione  Aegypti  usque  ad  terminum  Ecron  *),  qui  est  ab  Aquilone,  quae  Chananeae  reputatur,  quinque  principatus  Philistinorum,  Azathaeus,  Asdodaeus,  Ascalonaeus,  Gitthaeus,  et  Ekronaeus,  et  Avaei.  4.  Ab  Austro  universa  terra  Chananaei  et  Meara,  quae  est  Sidoniorum  usque  ad  Paera,  usque  ad  terminum  Emorrhaei.  5.  Et  terra  Gibli,  et  totus  Libanus  ad  ortum  solis  a  Baal-gad  sub  monte  Hermon,  donec  pervenias  Hemath.  6.  Omnes  habitatores  montis  a  1)  Princeps  male:  Hebron.  33