7:513  513  Sainct  Paul  nous  advertist  d'une  chose  bien  necessaire,  a  laquelle  toutesfois  peu  de  gens  prennent  garde:  c'est  que  ceux  qui  ne  tiennent  conte  de  cheminer  en  bonne  conscience,  se  destournent  et  esgarent  de  la  Foy.  Car  il  signifie  que  ceux  qui  polluent  leurs  consciences  en  s'abandonnant  a  mal,  ne  sont  pas  dignes  d'estre  maintenus  en  la  pure  cognoissance  de  Dieu,  mais  plustost  meritent  d'estre  aveuglez  pour  estre  seduitz  par  divers  erreurs  et  mensonges.  Et  c'est  merveilles  que  nous  y  pensons  si  peu,  veu  que  tous  les  iours  nous  en  avons  tant  d'experiences  devant  noz  yeux.  Il  est  certain  que  Dieu  n'oste  iamais  sa  verite  a  ceux  ausquelz  il  en  a  donne  quelque  goust,  sinon  d'autant  qu'ilz  Pont  mal  receue,  et  mesmes  en  ont  abuse  ou  en  une  folle  ambition,  ou  a  autres  affections  charnelles.  De  fait,  puis  que  ceux  qui  ont  de  l'argent  sont  tant  soigneux  a  le  bien  garder,  c'estoit  bien  raison  que  ce  thresor  inestimable  de  l'Evangile,  quand  Dieu  nous  en  a  enrichis,  fust  comme  enferme  en  bonne  conscience,  qui  est,  par  maniere  de  dire,  le  vray  cofre,  pour  le  tenir  en  bonne  garde  et  seure,  a  ce  qu'il  ne  nous  soit  ravy  par  Sathan.  Et  qu'avient  [page  4]  il  au  lieu  de  cela?  la  pluspart  se  sert  de  la  parolle  de  Dieu  seullement  pour  avoir  de  quoy  deviser  en  compagnie.l)  Les  uns  sont  menez  d'ambition,  les  autres  en  pensent  faire  leur  profit.  Il  y  en  a  mesmes  qui  en  pensent  faire  un  maquerellage  pour  avoir  acces  aux  dames.  Beaucoup  ne  savent  a  quel  propos  ilz  desirent  d'y  entendre,  sinon  d'autant  qu'ilz  sont  honteux  d'y  voir  mordre  les  autres,  et  qu'ilz  soyent  mesprisez  par  leur  ignorance.  Tant  y  a  que  quasi  tous,  ou  peu  s'en  faut,  convertissent  ceste  doctrine  de  salut  en  ie  ne  say  quelle  philosophie  profane,  qui  est  une  pollution  que  Dieu  ne  peut  porter,  pourtant  que  c'est  une  chose  trop  sacree  que  sa  parolle,  pour  en  abuser  ainsi.  Elle  doit  estre  vive  et  d'une  telle  efficace  qu'elle  transperce  les  coeurs  pour  examiner  tout  ce  qui  est  dedans  1)  magna  pars  hominum  utitur  verbo  divino  quasi  parato  argumento  quo  se  det  in  sermonem  in  circulis  et  congressionibus  quotidianis.  Calvini  opera.  Vol.  VIL