55:513  513  EPITRE  DE  IUDE  514  arbres  steriles  du  tout  et  mesmes  doublement  seichees  par  diverses  gelees  ou  autre  encombriers,  et  pleinement  desracinees.  Tiercement,  aux  undes  de  la  mer,  poulsees  impetueusement  par  tempeste.  Car  comme  icelles  par  leur  exume,  rendent  l'eaue  orde  et  troublee,  en  mesme  sorte  ceux-cy  en  toute  leur  impetuosite,  par  laquelle  ilz  veulent  rompre  les  autres,  eux  mesmes  se  ruynent,  car  elle  retombe  toute  en  leur  confusion.  Finalement  aux  planettes  errantes.  Gar  comme  icelles  ne  sont  fichees  en  certain  lieu  comme  les  autres  estoilles,  mais  ont  leurs  propres  spheres  qu'elles  circuissent:  aussi  ilz  n'ont  nul  arrest;  mais  sont  distraicts  en  diverses  opinions.  La  conclusion  est  qu'en  la  fin  une  griefve  condemnation  eternelle  les  attend.  Aussi  sur  eux  a  prophetise  Henoch,  septiesme  homme  depuis  Adam,  disant:  Voicy  le  Seigneur  est  venu  avecques  milliers  de  ses  Saincte,  faire  iugement  contre  tous,  et  convaincre  tous  incredules  d'entre  eux,  de  toutes  les  oeuvres  de  leur  impiete,  lesquelles  ite  ont  iniquement  commises,  et  de  toutes  mauvaises  parolles  qu'ils  ont  parle  contre  luy.  Combien  que  ceste  sentence  ne  se  trouve  auiourdhuy,  neantmoins  nous  devons  prendre  ceste  sentence  bonne  et  saincte,  sans  nous  tourmenter  beaucoup  dont  elle  a  este  prinse.  Car  possible  qu'il  n'y  a  iamais  eu  certain  livre  fait  par  Henoch  :  mais  que  voyant  la  malice  des  hommes  estre  venue  iusques  au  sommet,  fut  contrainct  de  leur  denoncer  la  vengeance  prochaine:  laquelle  denonciation  ait  este  depuis  en  bruit  entre  le  peuple  d'Israel  comme  digne  de  memoire.  Or  l'Apostre  dit  que.  convenablement  elle  peut  estre  appliquee  a  ceux  cy,  lesquelz  par  dessus  les  autres,  provoquent  l'ire  de  Dieu  par  l'outrage  tant  de  leurs  faits  que  de  leur  parolles.  Ce  iugement  de  Dieu,  duquel  il  est  icy  parle,  combien  qu'il  se  commence  aucunement  en  ce  monde  en  toutes  punitions  que  faict  Dieu  des  iniques,  toutesfois  il  ne  sera  point  droictement  accomply  iusques  a  la  manifestation  du  Royaume  de  Iesus  Christ  au  dernier  Iour.  Car  lors  il  viendra  en  puissance  avec  ses  anges  pour  rendre  a  chascun  iustement  selon  ses  oeuvres.  Les  Anges  sont  icy  nommez  par  milliers  comme  en  Daniel,  au  septiesme,  et  au  Psalme  soixante  et  huytiesme.  Ou  nous  avons  translate  incredule,  le  mot  grec  signifie  ceulx  qui  n'ont  en  leurs  coeurs  nulle  reverence  a  la  maieste  de  Dieu.  Iceux  sont  murmurateurs,  quellereux,  cheminans  selon  leurs  cupidites:  desquels  la  bouche  parle  choses  haultaines,  ayans  en  admiration  les  apparences  a  cause  du  gaing.  Calvini  opera.  Vol.  LV