5:513  EPISTRE  AU  LECTEUR.1)  Pour  ce  qu'il  y  a  plusieurs  sainctz  personnaiges  en  toutes  nations,  vrais  amateurs  de  la  verite  de  Dieu,,  et  desirans  l'advancement  de  son  Rovaulme,  qui  attendent  de  iour  en  iour  quand  il  plaira  au  Seigneur  de  remettre  son  Eglise  en  bon  ordre:  et  sont  comme  aux  escoutes  incontinent  qu'ilz  entendent  qu'il  y  a  quelque  ouverture  faicte,  pour  reduire  l'Eglise  en  meilleur  estat:  pourtant  aussi  qu'il  y  a  beaucoup  d'infirmes  par  le  monde,  qui  ne  se  osent  pas  resouldre  quel  chemin  ilz  doibvent  suyvre,  iusque  a  ce  qu'il  y  ait  une  reformation  faicte  par  l'auctorite  commune  de  ceux  ausquelz  Dieu  a  donne  la  puissance  et  le  gouvernement  de  la  Chrestiente:  i'ay  pense  que  ce  seroit  un  labeur  bon  et  profitable  a  tous  Chrestiens,  de  mettre  en  ordre  la  somme  de  ce  qui  a  este  n'agueres  traicte  entre  tous  les  estatz  de  l'empire  a  la  iournee  de  Regespourg,  qu'on  nomme  aultrement  Ratispone  touchant  des  differens  de  la  Religion  [fol.  3]  affin  que  les  premiers  ayent  matiere  de  se  consoler  et  resiouir  en  nostre  Seigneur,  voyant  que  la  verite  de  l'Evangile,  comment  qu'elle  ayt  este  assaillie  du  diable,  n'a  pas  este  oppressee  ne  vaincue,  mais  plustost  advancee:  et  que  les  secondz  par  la  procedure  qui  a  la  este,  recongnoissent  que  c'est  temps  perdu  de  s'attendre  aux  hommes,  comme  il  leur  apparoistra  facilement:  et  ainsi  recoivent  la  lumiere  de  Dieu  quand  elle  leur  est  offerte,  sans  regarder  ca  ne  la  de  quel  coste  le  vent  souffle.  Ceux  qui  mettent  tous  les  empeschemens  qu'il  est  possible,  a  ce  que  la  verite  ne  vienne  en  avant,  craingnans  que  leurs  cautelles  et  practiques  obliques  ne  se  descouvrent,  vouldroient  bien  que  de  tout  ce  qui  se  faict  il  n'en  fust  iamais  nouvelles  puis  apres,  les  saiges  aussi  de  ce  monde  ne  trouvent  pas  bon  que  ces  matieres  soient  publiees  iusques  au  simple  populaire,  pour  ce  qu'il  leur  semble  qu'il  n'y  a  iugement  ne  raison  pour  discerner,  sinon  en  leur  teste.  Mais  puis  que  Dieu  n'a  pas  donne  sa  parolle  affin  qu'elle  fust  ensepvelie,  ou  tenue  comme  prisonniere  entre  petit  nombre  de  gens  scavans:  mais  a  voulu  qu'elle  soit  preschee  a  tout  le  monde:  ce  n'est  pas  raison  de  priver  le  peuple  Chrestien  du  benefice  que  Dieu  luy  a  voulu  communiquer  par  sa  bonte.  Puis  que  ainsi  est  donc,  que  par  la  malice  de  Sathan  la  doctrine,  laquelle  nous  debvoit  reconcilier  a  Dieu  et  engendrer  paix  et  concorde  entre  tous  les  hommes  de  la  terre,  est  a  present  tant  debattue  avec  si  merveilleuse  contention,  en  telle  sorte  que  l'Eglise  en  est  miserablement  dissipee,  et  quasi  desolee,  il  n'y  a  rien  meilleur  a  tous  Chrestiens,  que  d'enquerir  et  scavoir  quelles  sont  les  matieres  dont  il  est  question,  de  discuter  et  bien  poiser  les  raisons  d'une  part  et  d'aultre,  affin  de  se  resouldre  devant  Dieu:  et  prendre  un  fondement  certain,  pour  avoir  repos  en  leurs  consciences.  Car  c'est  un  paovre  estat  que  de  vaguer  et  chanceler  tousiours:  mesme  en  ce  qui  nous  debvroit  estre  tant  certain  et  asseure.  Mais  il  n'est  ia  mestier  de  poursuivre  plus  amplement  ce  propos.  Car  ceux  qui  liront  ce  present  livre  en  sentiront  bien  l'utilite  par  experience,  sans  qu'on  les  en  advertisse  de  parolles.  1)  Comme  cette  Epistre  au  Lecteur  ne  se  trouve  ni  dans  les  Actes  de  Bucer  ni  dans  ceux  de  Melanchthon,  il  y  a  lieu  de  Vattribuer  a  Calvin  lui-meme.  Calvini  opera.  Vol.  V.  33