39:513  513  IN  LAMENT.  IEREMIAE.  CAP.  I.  514  Hieronymus  vertit,  quoniam  Iehovah  loquutus  est:  deduxit  ab  Hin,  quod  significat  loqui,  vel  meditari.  Sed  satis  apparet  error,  quemadmodum  etiam  hoc  eodem  capite  paulo  post.  Minime  igitur  dubium  est,  quin  sentiat  propheta  omnium  malorum  causam  esse,  quia  Deus  Iudaeos  afflixerit,  idque  propter  magnitudinem  impietatum  vel  scelerum.  Iam  ergo  incipit  ostendere  non  esse  causam  cur  Iudaei  absorbeantur  moerore  et  desperatione  :  si  modo  interea  probe  cogitent  unde  proveniant  mala.  Incipit  hoc  modo  ipsos  revocare  ad  Dei  iudicium  :  hoc  quidem  nondum  sufficeret:  sed  postea  subiicietur  uberior  consolationis  materia.  Caeterum  singula  videbimus  suo  ordine*  Heri  coepimus  exponere  sententiam  hanc,  ubi  dicit  propheta,  inimicos  Ierusalem  fuisse  in  caput,  et  feliciter  egisse.  Haec  tentatio  graviter  percellere  poterat  animos  fidelium,  quum  viderent  hostes  suos  ita  habere  quasi  in  manu  fortunam,  ut  vulgo  loquuntur.  Hoc  enim  perinde  erat  ac  si  Deus  ostenderet  se  illis  favere.  Ergo  propheta  causam  assignat,  ne  fideles  desciscant  a  pietate  et  timore  Dei,  ubi  dicit  hoc  totum  manare  ex  iusta  Dei  vindicta,  quod  velit  affligere  suam  ecclesiam:  neque  id  solum,  sed  adiungit,  propter  magnitudinem  iniquitatum.  Profani  enim  homines  interdum  agnoscunt  sibi  esse  negotium  cum  Deo:  sed  interea  fremunt  et  existimant  Deum  esse  iniustum  et  crudelem.  Propheta  igitur  non  tantum  docet,  Deum  autorem  esse  calamitatis,  quae  acciderat,  sed  simul  admonet,  Iudaeos  tali  mercede  dignos  esse,  non  tantum  quia  deliquerint,  sed  quia  addiderint  peccata  peccatis.  Hoc  enim  significat  magnitudo  iniquitatum.  Sed  hanc  sententiam  paulo  post  repetet,  et  pluribus  verbis:  ideo  satis  est  nunc  attingere  eius  consilium.  Hanc  ergo  ob  causam  dicit,  in  captivitatem  fuisse  profectos  parvulos  coram  adversario.  Nam  haec  etiam  indignitas  poterat  exacerbare  animos  fidelium  quum  viderent  tam  duriter  tractari  non  tantum  pueros,  sed  etiam  ipsos  infantes.  Nam  semper  homines  existimant  sibi  esse  iustam  causam  litigandi  cum  Deo:  praesertim  vero  ubi  in  medium  prodeunt  pueri  infantes,  quis  non  diceret  vindictam  Dei  modum  excedere?  si  vult  se  ulcisci  de  hominum  sceleribus,  cur  iram  suam  non  continet  adversus  innoxios?  Quid  enim  peccarunt  miseri  infantes?  Propheta  autem  hic  cohibet  talem  audaciam,  et  dicit  Deum  habere  iustas  causas  cur  vindictam  suam  extendat  usque  ad  ipsos  parvulos��  Nunc  sequitur,  6.  Et  egressus  est  a  filia  Sion  omnis  decor  eius:  fuerunt  principes  eius  tanquam  cervi  qui  non  inveniunt  pascuum  :  et  profecti  sunt  absque  virtute  coram  persequutore.  Calvini  opera.  Vol  XXXIX.