35:513  513  IOB  CHAP.  XLII.  514  qui  estoit  donc  en  ombrage  ii  a  fallu  qu'il  fust  conferme  par  les  graces  visibles:  mais  maintenant  nous  avons  la  substance:  les  ombres  et  figures  ne  sont  plus,  nous  en  avons  le  corps  en  nostre  Seigneur  Iesus  Christ:  il  nous  faut  donc  contenter  de  ce  que  Dieu  nous  donne,  et  nous  remettre  tousiours  a  sa  conduite.  Et  au  reste,  cognoissons  qu'il  nous  faut  estre  rassasiez  de  vivre,  quand  il  plaira  a  Dieu  de  nous  retirer  de  ce  monde.  IL  est  vrai  quand  l'Escriture  parle  ainsi  de  Iob  et  d'Abraham,  qu'il  sont  morts  aagez  et  rassasiez  de  iours,  que  c'est  pour  exprimer  ceste  benediction  temporelle  que  i'ai  dite.  Mais  quoi  qu'il  en  soit,  iamais  ni  Iob,  ni  Abraham,  ni  leurs  semblables  n'eussent  este  rassasiez  de  vivre  au  monde,  sinon  qu'ils  eussent  tendu  a  une  meilleure  fin  et  plus  excellente.  Voila  donc  comme  il  estoit  mestier  que  Dieu  leur  prolongeast  la  vie,  afin  de  leur  donner  plus  longue  experience  de  sa  bonte:  ce  qui  maintenant  n'est  pas  tant  requis  pour  nous  qui  avons  une  plus  ample  declaration  de  l'amour  paternelle  de  Dieu.  Il  faut  donc  que  nous  soyons  soulez  de  vivre  et  disposez  a  mourir,  quand  la  bonne  volonte  de  Dieu  sera:  ainsi,  que  nous  y  allions  d'un  courage  ioyeux,  et  non  point  en  grincant  les  dens:  comme  font  les  incredules.  Car  s'ils  avoyent  vescu  cent  mille  ans,  tant  y  a  qu'ils  voudroyent  tousiours  demeurer  ici  bas:  car  ils  n'ont  point  d'autre  esperance  que  la  vie  presente,  il  leur  semble  que  tout  defaut  en  la  mort.  Voila  pourquoi  ils  ne  sont  iamais  appareillez  de  sortir  du  monde.  Au  contraire  les  Peres  anciens  ont  tenu  ce  moyen-