32:513  513  SUR  LE  PSEAUME  CXIX.  514  necessaires:  car  nous  voyons  en  premier  lieu,  comme  de  nature  nous  sommes  enclins  a  vanite,  qu'estans  ainsi  adonnez  au  monde,  nous  ne  pensons  point  au  ciel.  D'autant  plus  donc  nous  faut  il  estre  bien  attentifs  a  ceste  doctrine,  que  nous  ayons  une  affection  ardente  de  suyvre  la  Parole  de  Dieu:  et  puis,  que  ceste  affection  yci  ait  une  telle  vehemence  en  nous,  qu'elle  puisse  gagner  par  dessus  toutes  les  cupiditez  qui  nous  empeschent  d'adherer  a  nostre  Dieu,  et  d'y  estre  ravis.  Or  il  faut  bien  qu'il  y  ait  une  grande  vertn  de  l'Esprit  de  Dieu:  car  nos  cupiditez  estans  plus  qu'enragees,  si  Dieu  n'y  desployoit  son  bras,  que  seroit-ce?  Encores  que  nous  eussions  quelque  bon  desjr,  il  seroit  bien  tost  esvanouy  en  nous.  Il  faut  donc  que  nous  y  ayons  une  vehemence  grande,  et  puis  quand  nous  aurons  une  telle  bonne  affection  et  ferme,  que  nous  soyons  ravis  apres  la  Parole  de  Dieu,  non  pas  pour  un  iour  ne  pour  peu  de  temps,  mais  pour  toute  nostre  vie.  Il  s'ensuit  puis  apres,  Tu  as  tence  les  orgueilleux:  tous  ceux  qui  se  forvoyent  de  tes  commandemens  sont  maudits.  David  adiouste  encores  voi  une  autre  raison,  pour  laquelle  il  est  plus  enflamme  de  requerir  Dieu,  et  s'adresser  a  luy,  afin  d'estre  enseigne  en  sa  Parole:  cest  ascavoir,  quand  il  Toit  qu'il  a  ainsi  tence  les  orgueilleux:  car  les  chastie*  mens  que  Dieu  envoye  aux  incredules  et  rebelles,  nous  doyvent  servir  d'autant  d'instruction.  Comme  il  est  dit,  que  Dieu  a  fait  iugement,  et  que  les  habitans  de  la  terre  apprendront  que  c'est  de  iustice.  Le  Prophete  Esaie  n'a  point  ainsi  parle  sans  cause,  car  il  signifie  que  Dieu  nous  attire  a  soy  par  beau*  coup  de  moyens,  et  sur  tout  quand  il  nous  apprend  a  craindre  sa  maieste.  Car  sans  cela,  o  incontinent  nous  voudrions  faire  des  bestes  sauvages,  si  Dieu  nous  laissoit  la  bride  sur  le  col,  quelle  licence  estce  qu'un  chacun  de  nous  prendroit,  comme  nous  le  voyons  par  experience?  Or  Dieu  voyant  que  les  hommes  sont  si  faciles  a  se  desbaucher,  leur  envoye  des  exemples,  afin  qu'ils  soyent  induits  a.  cheminer  en  crainte  et  solicitude.  Et  de  nostre  part,  quand  nous  voyons  que  Dieu  chastie  les  meschans,  alors  nous  y  devons  prendre  exemple  et  instruction.  Voyla  (en  somme)  ce  que  dit  David,  Seigneur,  tu  as  chastie  les  rebelles:  comme  s'il  disoit,  II  est  vray,  Seigneur,  que  i'ay  desire,  voire  d'une  affection  vehemente  et  d'une  vraye  fermete,  d'adherer  a  toy  et  a  tes  saincts  comuaandemens:  mais  si  a-il  fallu  encores  que  ie  fusse  enseigne  d'avantage,  et  que  ie  fisse  mon  profit  des  punitions  que  tu  as  faites  devant  mes  yeux.  Quand  i'ay  veu  que  tu  as  chastie  les  orgueilleux,  cela  m'a  servy  a,  m'humilier,  i'en  ay  receu  autant  de  discipline,  Voyla  pourquoy  maintenant  ie  demande  tant  plus  songneusement  d'estre  enseigne  en  ta  Loy.  Or  s'il  a  fallu  que  Calvini  opera.  Vol  XXXII.