20:513  513  SUPPLEMENTUM.  514  consilium  dare,  antequam  tecum  communicassem.  Quoniam  tamen  ita  censuerunt  fratres  repugnare  nolui  quin  ad  vos  proficisceretur.  Literas  illi  ad  vos  breves  dedi:  si  a  vobis  obtinebit  aliquam  commendationem,  spero  aliquid  Bernae  effecturum.  Nam  id  nobis  persuasit  Nicolaus.  Habet  etiam  meas  literas  ad  Consulem  Neglium.  Verum  tu  totum  hoc  negotium  melius  tuo  consilio  moderaberis.  Gaudeo  vehementer,  quod  te  brevi  venturum  promittas.  Ego  quum  alias  desiderem,  ut  par  est,  uxorem  tuam  sanitati  suae  restitui:  tum  haec  etiam  causa  accedit,  ne  te  adversa  eius  valetudo  diutius  moretur.1)  Yale.  Dominus  tibi  adsit,  uxorem  tuam  brevi  liberet  a  morbo,  totam  domum  conservet.  Salutabis  omnes  tuos  diligenter.  Ioannes  Calvinus  tuus.  4219.  CALVINUS  VIRETO.  Commendat  miserum  aliquem  indigne  exsilio  multatum,  {Ex  autographo  Cod.  Genev.  107a,  fol.  310.  Exstat  etiam  in  Cod.  108,  fol.  168  et  in  Epp.  Bern.  VIL  fol.  25.)  Eximio  Christi  servo  Petro  Vireto  ecclesiae  Lausannensis  pastori  fratri  et  symmystae  integerrimo.  S.  Etsi  haec  mea  commendatio  apud  te  et  reliquos  fratres  supervacanea  erit,  bono  tamen  viro  et  misere  afflicto,  ne  contemni  se  putaret,  eam  negandam  non  putavi.  Ab  impio  nebulone  vexatus  et  falsis  testimoniis  oppressus,  quum  sibi  videret  instare  exsilium,  placide  ad  tolerantiam  et  constantiam  se  paravit.  Adduci  certe  nullo  modo  potuit  ut  eum  pro  bono  viro  agnosceret  qui  palam  in  sua  improbitate  exsultans  de  ecclesia  Dei  quodammodo  triumphat.  Quum  illi  permissum  esset  exsilium,  rursus  indigne  in  carcerem  unius  hominis  libidine  retractus  calumnias,  quibus  gravare  eum  conati  sunt  improbi,  diluit.  Eum,  quia  pie  et  honeste  apud  nos  vixit,  deinde  quod  inhumaniter  in  unius  nebulonis  gratiam  a  paucis  quibusdam  tibique  notis  hominibus  tractatus  est,  bonis  omnibus  commendatum  fore  confido.  Vale,  optime  et  integerrime  frater.  Saluta  fratres  meo  nomine  et  familiam.  Dominus  vos  servet,  vobis  adsit,  spiritu  suo  vos  regat.  Genevae  20.  Decembris.  4218.  1)  Obnt  prior  Vireti  uxor  postridie  Non.  Mart  1546.  Calvini  opera.  Vol  XX.