6:512  rum  nequitia  detegatur,  Deo  placet,  inde  evangelii  ministris  eorumque  praedicationi  crimen  conflare,  extremae  impudentiae  et  malitiae  est.  Ego  vero  nullam  illis  iniuriam  facturus  sim,  si  hoc  de  quo  invidiam  Conflare  nobis  conantur,  in  eos  retorqueam.  Unde  enim  lasciviendi  audaciam  arripiunt  Dei  contemptores,  nisi  quod,  in  medio  dissensionum  strepitu,  omnia  sibi  licere  putant?  Suum  ergo  hoc  esse  [pag.  102]  crimen  agnoscant,  quod  veritatis  cursum  remorando,  impunitatem  alunt  improborum.  Quod  disciplina  et  legibus,  quae  populum  in  ordine  contineant,  carere  nos  aiunt,  ad  eam  vituperationem  duplex  nobis  in  promptu  est  responsio.  Si  ordinem  rite  apud  nos  constitutum  dixero,  refellent  me  quotidianae  nostrorum  hominum  conciones,  quibus  disciplinam  iacere  adhuc  neglectam  deplorant.  Ego  vero,  sicut  nos  isto  bono  destitui  non  infitior,  ita  per  quos  steterit  hactenus,  et  nunc  stet,  quominus  eo  fruamur,  respiciendum  esse  dico,  ut  his  culpa  imputetur.  Negent  hostes  nostri,  si  possunt,  omnia  se  machinari,  quo  non  modo  laborem  in  formandis  ordinandisque  ecclesiis  nostrum  impediant,  sed  quo  dissipent  etiam  ac  evertant  quidquid  per  nos  inchoatum  fuerit.  Sedulo  nos  quidem  in  ecclesiae  aedificatione  elaboramus.  Dum  in  opere  sumus  occupati,  illi  ad  turbanda  principia  infestos  se  subinde  ingerunt,  nec  ullam  nobis  relaxationem  permittunt,  ut  componere  domesticum  ecclesiae  statum  liceat.  Postea  dissipationem,  cuius  ipsi  causa  sunt,  probri  loco  nobis  obiectant.  Quaenam  ista  est  ingenuitas,  nobis  continuam  exhibere  molestiam:  deinde  criminis  loco  ducere,  quod  per  eam  omnes  ecclesiae  partes  constituere  non  vacet?  Quod  multum  adhuc  dee&t  ad  perfectionem,  Deus  gemituum  nostrorum,  homines  querelarum  testes  sunt.  At  nonnulla,  quae  ad  disciplinam  pertinebant,  loco  movimus.  Nempe  quemadmodum  facere  solent,  qui  collapsum  [pag.  103]  aedificium  reparare  aggrediuntur,  ut  congesta  in  acervum  et  confusa  ruinarum  fragmenta  extrahant  ac  colligant,  aptanda  postea  suo  loco:  ita  nobis  facere  necesse  fuit.  Nam  si  quid  ex  veteri  disciplina  superfuit,  in  tanta  ecclesiae  vastitate,  ita  in  deformi  ruinarum  aggere  permixtum  et  proiectum  pristinam  faciem  amiserat,  ut  nullum  ad  usum,  nisi  prius  extractum  ex  illa  confusione,  accommodari  posset.  Utinam  autem  suo  saltem  exemplo  nos  provocarent.  Sed  quid?  Disciplinam  qui  nullam  apud  nos  esse  clamitant,  ipsi  quam  habent?  An  non  praestaret,  vitium  suum  agnoscere  ipsos  coram  Deo  nobiscum,  et  fateri,  quam  nobis  exprobrare  quod  mox  in  sua  capita  retorqueatur?  Duae  sunt  disciplinae  partes.  Una  enim  ad  clerum,  altera  vero  ad  plebem  pertinet.  Scire  nunc  velim,  qua  severitate  clerum  suum  in  honestis  castisque  moribus  contineant.  Puriorem  illam  et  magis  exquisitam  sancti-