55:512  sans  mesure  ayans  comme  la  bride  lasohee  a  ne  garder  nul  moyen.  Item,  comme  Core  avec  Dathan  et  Abiron  (comme  il  appert  par  le  seziesme  chapitre  des  Nombres)  esleva  un  tumulte  alencontre  de  Moyse  pour  le  debouter  du  ministere  et  office  auquel  il  estoit  ordonne  de  Dieu,  en  cela  se  rebellant  alencontre  de  Dieu,  mesmes  :  pareillement  ceux  cy  resistent  et  esmeuvent  rebellion  contre  tous  les  serviteurs  de  Dieu  et  ministres  de  son  Evangile,  voire  contre  Iesus  Christ  qui  est  le  principal  et  le  Chef  de  tous.  Or  si  nul  de  ceux  n'est  demeure  impuny,  qui  n'ait  soubstenu  une  horrible  vengeance  de  Dieu,  comme  les  Escritures  tesmoignent:  il  ne  fault  penser  que  ceux  cy  puissent  non  plus  eschapper  la  main  de  ce  grand  Iuge.  Iceux  sont  macules  en  voz  convives^  mangeans  har  aiment  t  se  paissans  eux  mesmes:  nuees  sans  eauesi  agitees  ca  et  la  des  vens:  arbres  autumales  infruo  tueuses,  doublement  mortes  et  desracinees:  undes  aspres  de  la  mer  escumantes  leur  propre  confusion:  estoilles  errantes:  auxquels  est  apprestee  obscurite  de  tenebres  eternellement  Maintenant  par  diverses  similitudes  il  monstre  combien  il  y  a  en  eux  de  paovrete  et  malheurete.  Et  premierement  leur  remonstre  que  leurs  convives  ou  ilz  s'assemblayent,  estoyent  souillez  et  contaminez  par  gens  ainsi  vitieux,  pour  leur  donner  a  entendre  qu'ilz  les  devoyent  reiecter  de  leur  compagnie.  Et  rend  la  raison:  pour  ce  qu'ilz  ne  povoyent  dissimuler  leur  gourmandise  en  mangeant  dissoluement  et  sans  modestie  aucune.  En  ce  poinct  il  est  a  noter  que  les  Chrestiens  oultre  la  saincte  Cene  avoyent  certains  convives  ou  ilz  s'assembloyent  pour  entretenir  charite:  et  principallement  cela  faisoyent  ilz  a  cause  des  indigens,  qui  en  estoyent  refocillez  et  soulagez.  Parquoy  c'estoit  une  vie  damnable  en  telz  garnemens,  de  n'avoir  autre  esgard  sinon  de  se  repaistre  eux  mesmes,  sans  penser  des  paovres,  desquelz  on  devoit  avoir  le  principal  soing.  Oultreplus,  il  les  accompare  aux  nuees  sans  eaue,  lesquelles  sans  propoz  troublent  l'air,  tenant  les  hommes  en  suspend  pour  attendre  pluye  laquelle  n'en  sort  iamais.  Enquoy  il  demonstre  leur  vanite.  Et  adiouste  encore  l'agitation  du  vent  ca  et  la:  pour  exprimer  d'advantage  leur  inconstance  et  legierete.  Secondement,  il  les  fait  semblables  aux  arbres  d'autumne,  apres  la  cueil  Iette  des  fruictz,  lesquelz  n'ont  plus  que  les  fueilles,  et  icelles  prestes  a  tomber  bientost.  Toutesfois  il  met  apres  une  dissimilitudo:  c'est  que  les  arbres  au  printemps  recommencent  a  verdoyer  et  fructifier.  Mais  en  ceux  cy  il  n'y  a  nulle  esperance  de  fruictz  non  plus  qu'aux