40:512  vitae.  Quum  ergo  tale  spectaculum  oblatum  fuit  gentium  oculis,  gloriam  suam  tunc  asseruit  Deus  in  suis  fidelibus.  Denique  haec  coniunctim  legenda  sunt,  quod  propitius  erit  illis,  et  gratas  habebit  eorum  primitias  et  oblationes,  et  quod  sanctificabitur  in  oculis  gentium:  sicuti  etiam  dicitur  in  Psalmo  (114,1.  2),  Quum  egressus  est  Israel  ex  Aegypto,  Israel  fuit  potestas  Dei,  et  Iuda  sanctificatio  eius,  vel  sanctitas.  Sequitur,  42.  Et  cognoscetis  quod  ego  Iehovah,  quum  vos  introduxero  in  terram  Israel,  in  terram  (posuerat  HD1N  ante,  nunc  ym  in  terram),  pro  qua  levavi  manum  meam,  ut  darem  ipsam  patribus  vestris.  Terrendi  causa  minatus  fuerat  se  fore  conspicuum  reprobis,  cognoscetis  quod  ego  sim  Iehovah,  nempe  quia  futurus  erat  ipsorum  iudex.  Ergo  in  documentis  irae  aut  vindictae  cognitus  fuit  apud  reprobos.  Sed  nunc  alia  notatur  eius  cognitio,  nempe  quae  suavem  gustum  praebeat  paterni  amoris  :  cognoscetis,  inquit,  quod  ego  sim  Iehovah  Deus  vester  quum  vos  introduxero.  Hic  ostendit  plenum  et  solidum  suum  beneficium  erga  fideles,  quod  ante  vidimus  abruptum  fuisse  inter  exordia  quoad  reprobos.  Nam  utrique  reducti  sunt,  quia  sine  exceptione  omnibus  permissum  fuit  redire  in  patriam.  Tunc  igitur  fractum  fuit  iugum  tyrannici  imperii,  quum  exempti  sunt  a  dominatione  chaldaica,  et  rex  Medorum  illis  permisit  templum  exstruere,  et  habitare  in  terra  Chanaan.  Fuerunt  igitur  omnes  liberati,  sed  ut  iam  dictum  fuit  statim  gratia  illa  evanuit,  quoad  reprobos.  Nam  perierunt  omnes  in  deserto  gentium.  Electi  autem  perducti  sunt  Dei  manu  usque  ad  terram  Israel,  et  illic  vere  potiti  sunt  promissa  haereditate;  quia  illic  habitarunt  tanquam  filii  et  legitimi  haeredes.  Nam  simul  ut  dictum  fuit  reversi  sunt  hypocritae  :  sed  terra  illa  tanquam  propria  haereditate  nunquam  sunt  potiti.  Errarunt  enim  illic  non  secus  atque  in  deserto  et  quanquam  domi  residebant,  semper  fuerunt  vagi  et  exsules.  Videmus  itaque  notari  singulare  privilegium  ubi  dicitur,  cognoscar  a  vobis  quum  vos  reduxero  e  gentibus  et  terris,  per  quas  dispersi  eritis  in  terram  pro  qua  iuravi  me  illam  daturum  patribus  vestris.  Hic  adscribitur  nota,  ut  sciant  fideles  sibi  aliquid  promitti  non  vulgare.  Habitatio  enim  terrae  Chanaan  per  se  non  tanti  fieri  debuit:  sed  hic  exprimitur  qualitas,  quod  scilicet  venient  in  terram  illam,  ut  sint  Dei  haeredes  et  succedant  sanctis  patribus,  quibus  promissa  fuerat  illa  haereditas.  Quod  autem  iuravit  Deus  se  daturum  Abrahae,  Isaac  et  Iacob  terram  illam,  non  debet  restringi  ad  eorum  personas,  ut  satis  notum  est,  et  tamen  fuerunt  veri  haeredes  et  donjini,  idque  testati  sunt  sua  sepultura.  Passi  sunt  quidem  se  vexari,  ut  subinde