32:512  tout  cela  n'est  que  ceremonie,  et  Dieu  ne  veut  point  estre  ainsi  mocque  Nous  ne  faisons  aussi  que  profaner  son  sainct  Nom,  quand  nous  usons  de  telles  requestes,  qui  ne  procedent  point  d'un  vray  desir  et  affection.  Voyla  pourquoy  David  adiouste,  que  son  ame  a  este  ravie:  car  le  mot  qui  est  yci,  emporte  comme  si  son  ame  estoit  du  tout  defaillante.  Mon  ame  donc  defaut,  pour  le  desir  qu'elle  a  de  tes  commandemens.  Parquoy  il  y  a  yci  trois  choses  a  noter.  L'une  est,  que  si  nous  voulons  obtenir  de  Dieu  qu'il  nous  conduise,  et  que  sa  Parole  soit  nostre  voye,  et  nostre  adresse,  que  nous  ne  devons  pas  luy  faire  une  telle  oraison  par  hypocrisie,  comme  en  nous  mocquant  de  luy,  ne  froidement:  mais*  avec  un  vray  desir  lequel  nous  transporte  comme  hors  de  nous,  tellement  que  nous  ne  tenions  plus  rien  de  la  vie  presente,  mais  que  nous  ad  visions  de  tendre  plus  haut.  Voyla  le  premier  article  que  nous  avons  yci  a  noter.  Le  second  est,  que  ce  desir  encores  ne  doit  point  estre  seulement  comme  une  affection  volage,  mais  un  desir  ardent.  Oar  il  dit  que  son  ame  a  defailly.  Pourquoy?  Regardons  un"  peu  quels  sont  nos  appetis  et  cupiditez,  *quand  nous  nous  destournons  de  Dieu  pour  nous  addonner  aux  choses  terriennes.  Ils  sont  si  excessifs  ed  si  desbordez  que  c'est  pitie,  et  n'y  a  ne  fin  ne  mesure.  Si  nous  avons  un  desir  maigre,  un  desir  ie  ne  scay  quel,  de  cheminer  selon  Dieu:  ce  desir-la  seroit  bien  tost  abbatu,  comme  une  goutte  de  vin,  quand  on  y  mettra  cent  fois  autant  d'eau.  Ie  vous  prie,  que  sera-ce?  cela  sentira-il  plus  le  vin?  Autant  en  est-il  de  quelque  bonne  affection  qui  seroit  en  l'homme  fidele.  Si  ceste  affection-la  n'a  une  ardeur,  qu'il  y  ait  une  vehemence  grande,  elle  sera  tantost  suffoquee  par  les  escumes  de  nos  passions  et  de  nos  cupiditez  charnelles,  lesquelles  (comme  i'ay  desia  dit)  n'ont  nulle  mesure  ny  attrempance.  Voyla  donc  pour  le  second  ce  que  nous  avons  a  noter  en  ce  passage,  c'est  ascavoir,  que  ce  n'est  point  assez  que  nous  ayons  quelque  desir  moyen  de  servir  a  Dieu,  car  il  seroit  bien  tost  opprime  en  nous,  et  du  tout  aneauty.  Mais  il  faut  que  nous  soyons  tellement  attentifs  a  cela,  que  nous  puissions  dire  que  nostre  ame  nous  defaut,  qu'elle  languit,  que  nous  sommes  comme  escoulez  en  nostre  vertu,  iusqu'a  ce  que  Dieu  nous  releve,  en  nous  donnant  ce  que  nous  luy  demandons.  Le  troisieme  article  que  nous  avons  yci  a^noter,  est  la  fermete  et  constance  qui  doit  estre  en  un  tel  desir.  Et  voyla  pourquoy  David  ne  se  contente  pas  de  dire,  que  son  ame  est  ravie  et  defaillante:  mais  il  dit,  En  tout  temps.  Comme  s'il  disoit,  que  ce  n'a  pas  este  une  bouffee  de  vent,  mais  quil  a  eu  ceste  affection  enracinee  en  son  coeur,  et  qu'il  y  a  persevere.  Or  ces  trois  choses  nous  sont  plus  que