9:511  511  DE  VERA  PARTICIPATIONE  512  Iudaeis  comprehensus  est,  quod  ligno  confixus,  quod  in  sepulcro  conditus,  quod  in  resurrectione  manifestatus,  non  semper  habebitis  me  vobiscum.  Quare?  Quoniam  conversatus  est  secundum  corporis  praesentiam  quadraginta  diebus  cum  discipulis,  et  eis  deducentibus,  videndo,  non  sequendo,  ascendit  in  coelum,  et  non  est  hic.  Ibi  enim  sedet  ad  dexteram  patris,  et  hic  est.  Non  enim  recessit  praesentia  maiestatis.  Aliter:  Secundum  praesentiam  maiestatis  semper  habemus  Christum:  secundum  praesentiam  carnis,  recte  dictum  est  discipulis:  Me  non  semper  habebitis  (Matth.  26,  11).  Porro  quam  verecunde  scribat,  me  probare  esum  carnis  Christi  esse  inutilem  ex  Christi  verbis  :  Caro  non  prodest  quidquam  (Ioann.  6,  63),  me  tacente  demonstret  Commentarius,  in  quo  sic  ad  verbum  loquor:  Nec  recte  illi  qui  Christi  carnem  prodesse  dicunt  quatenus  crucifixa  est,  comesam  vero  nihil  nobis  afferre  :  quin  potius  comedere  eam  necesse  est,  ut  crucifixa  prosit.  Augustinus  subaudiendum  putat  Solam,  et  per  se,  quia  debeat  cum  spiritu  coniungi.  Quod  cum  re  ipsa  consentaneum  est.  Nam  Christus  ad  modum  edendi  simpliciter  respicit.  Non  ergo  quamvis  excludit  utilitatem,  quasi  nulla  percipi  ex  carne  sua  possit:  sed  ita  demum  inutilem  fore  pronunciat,  si  a  spiritu  separetur.  Unde  enim  habet  caro  ut  vivificet,  nisi  quia  spiritualis  est?  Ideo  quisquis  in  terrestri  carnis  natura  subsistit,  nihil  in  ea  reperiet  nisi  mortuum:  sed  qui  oculos  attollent  ad  spiritus  virtutem,  qua  perfusa  est  caro,  non  frustra  vivificam  dici  ipso  effectu  et  fidei  experientia  [pag.  82]  sentient.  Illinc  lectoribus  plura  petere  si  velint,  licebit.  En  cur  iste  Thraso  Calvinistas  appellet,  num  caro  filii  Dei  sit  inutilis.  Imo  cur  non  potius  te  ipsum  appellas,  et  socordiam  tuam  aliquando  expergefacis?  Tertia  haec  secundum  ipsum  nostra  est  obiectio  :  sacramentis  omnibus  esse  proprium  ut  signa  sint  et  pignora  testificantia  aliquid:  ergo  in  coena  non  ipsum  corpus  Christi,  sed  tantum  symbolum  dari  absentis  corporis.  Caesar  de  celeritate  victoriae  orientalis  gloriari  volens,  scripsisse  fertur:  Vidi,  vici:  hic  autem  noster  Thraso,  oculos  claudendo  se  vicisse  iactat.  Certe  in  Consensu  hoc  caput  bis  aut  ter  expressum  est:  Quum  vera  sint1)  quae  Dominus  nobis  dedit  gratiae  suae  testimonia  et  sigilla,  vere  procul  dubio  praestare  intus  quod  oculis  figurant  sacramenta:  ideoque  nos  illic  Christo  potiri,  et  spiritualiter  eum  cum  suis  donis  recipere:  imo  certo  offerri  communiter  omnibus  tam  incredulis  quam  piis.  Quantum  distat  rei  exhibitio  a  nuda  et  inani  figura,  tantum  a  sensu  nostro  recedit  Heshusius,  1)  Est  articulus  Consensus  octavus,  cf.  edit  nostr.  T.  VII.  p.  738.