6:511  DE  NECESSITATE  mediam  desperationem  prorumpere  convenit.  Vult  Dominus  evangelium  suum  praedicari,  [pag.  100]  Huic  mandato  pareamus,  et  sequamur,  quo  nos  vocat.  Quis  futurus  sit  successus,  inquirere,  non  est  nostrum:  nisi  quod  eum  quam  optimum  et  votis  optare  et  precibus  a  Domino  postulare  debemus:  eniti  etiam  omni  studio,  sollicitudine,  diligentia,  ut  talis  contingat:  interea  tamen  qualiscunque  erit,  aequo  animo  ferre.  Immerito  igitur  hoc  nobis  crimini  datur,  non  tantum  profuisse  1)  nos  quantum  et  studuimus  et  optandum  fuisset.  Plantare  et  rigare  nos  Deus  iubet.  Fecimns.  Solus  ipse  est  qui  dat  incrementum.  Quid  si  pro  nostro  voto  dare  nolit?  Si  quod  nostrarum  partium  erat,  fideliter  nos  esse  exsequutos  constat,  ne  quid  amplius  a  nobis  requirant  adversarii,  de  successu  minus  prospero  cum  Deo  expostulent.  Quanquam  id  quoque,  quod  obtendunt,  nullum  exstare  doctrinae  nostrae  fructum  falsissimum  est.  Omitto  externae  idololatriae  correctionem,  totque  superstitionum  ac  errorum:  quae  pro  nihilo  ducenda  non  est.  Sed  an  nullus  est  hic  fructus,  quod  multi  vere  pii  nobis  acceptum  referunt,  quod  Deum  puro  tandem  corde  colere  didicerint?  quod  eum  coeperint  serena  conscientia  invocare?  quod  ex  perpetuis  tormentis  liberati  verum  Christi  gustum,  in  quo  acquiescerent,  perceperint?  Quod  si  quaerantur  documenta  quae  in  hominum  conspectu  appareant,  non  ita  infeliciter  nobiscum  agitur,  quin  plurimis  gloriari  liceat.  Quam  multi,  quum  ante  corruptioris  vitae  fuissent,  ita  resipuerunt,  ut  in  novos  homines  viderentur  conversi?  [pag.  101]  Quam  multi,  quum  omni  reprehensione  caruisset  eorum  ante  acta  vita,  imo  quum  praeclaram  laudem  habuisset,  adeo  tamen  non  retrocesserunt,  ut  abunde  vita  sua  testentur,  non  esse  sterile  nec  infructuosum  nostrum  ministerium?  Traducere  nos  adeoque  lacerare  suis  calumniis  hostes  nostri  possunt,  apud  imperitos  praesertim:  sed  hoc  nobis  non  eripient,  quin  plus  apud  eos,  qui  doctrinam  nostram2)  sunt  amplexi,  innocentiae,  integritatis  veraeque  sanctimoniae  reperiatur,  quam  in  iis  omnibus,  qui  habentur  inter  eos  excellentissimi.  Quod  si  qui  sunt,  ut  nimis  multos  fatemur  esse,  qui  ad  laxandas  nequitiae  suae  habenas  evangelio  abutantur,  non  novum  id  quidem  est:  sed  quid  ad  nos,  ut  eius  culpam  sustinere  nos  oporteat?  Scitur  evangelium  unicam  esse  bene  sancteque  vivendi  regulam.  Quod  autem  non  omnes  regi  se  patiuntur,  quod  etiam  alii,  quasi  iugo  soluti,  liberius  insolescunt,  in  eo  agnoscimus  verum  esse  quod  dicebat  Simeon:  Christum  in  hoc  positum  esse,  ut  revelentur  ex  multis  cordibus  cogitationes  (Luc.  1,  33).  Si  evangelii  lucem  ideo  accendere,  ut  occulta  impio-  1)  profecisse  {?).  2)  nostram  deest  apud  Bezam  et  seqq.