55:511  511  EPITRE  DE  IUDE.  512  II  est  vray  semblable  que  ceste  histoire  ait  este  amenee  de  quelque  livre  de  l'Escriture,  lequel  toutesfois  nous  n'avons  auiourd'huy  en  usaige:  Ou  bien  qu'elle  avoit  este  baillee  entre  le  peuple  iudaique  de  main  en  main  tellement  que  c'estoit  une  chose  vulgaire  :  Vray  est  qu'il  est  escript  au  Deuteronome  chapitre  trentequatriesme,  que  Moyse  a  este  ensepvely  du  Seigneur  en  une  vallee  de  la  terre  de  Moab:  et  que  son  sepulcre  n'a  este  congneu  de  nul  homme.  Ce  qu'on  iuge  avoir  este  faict  (comme  aussi  la  chose  clairement  le  monstre)  de  peur  que  les  Iuifz  pour  l'honneur  qu'ilz  luy  portoient  n'abusassent  de  son  corps  par  idolatrie.  Ce  doncques  que  le  diable  en  prenoit  combat  contre  l'Ange  de  Dieu  n'estoit  que  pour  mettre  en  avant  qu'il  se  pouvoit  trouver  afin  d'induire  le  peuple  d'Israel  a  l'adorer  contre  la  volunte  de  Dieu.  Maintenant  il  dict,  que  en  ce  combat,  iamais  Michel  ne  voulut  iecter  contre  le  Diable  iugement  de  malediction:  C'est  a  dire  prononcer  parolle  d'execration  contre  luy  comme  le  recognoissant  creature  de  Dieu:  ains  seulement  au  nom  du  Seigneur  luy  impose  silence.  Au  contraire  il  dict  que  en  ceulx  cy  y  a  telle  temerite  qu'ilz  ne  pardonnent  a  nulle  creature  combien  qu'encores  ilz  n'y  congnoissent  rien  a  redire:  et  n'ont  plaisir  en  aultres  choses  sinon  en  celles  que  de  leur  sens  naturel  sans  raison  et  intelligence  ilz  comprennent  ne  plus  ne  moins  que  bestes  brutes,  lesquelles  sont  du  tout  menees  par  leurs  affections  charnelles  d'autant  qu'il  n'y  a  en  icelles  aultre  sentement.  En  ce  qu'il  dict  qu'ilz  s'y  corrumpent,  il  fault  noter  que  en  tout  ce  que  l'homme  apprehende  en  sa  charnalito,  il  n'y  a  que  corruption.  Malheur  a  iceux,  car  ilz  ont  suyvy  la  voye  de  Cain,  et  selon  Terreur  du  loyer  de  Balaam  se  sont  abandonnez^  et  sont  peris  en  la  contradiction  de  Core.  Affin  que  nul  ne  soit  si  hardy  de  se  ioindre  a  eulx,  il  declaire  quelle  en  sera  l'issue:  ascavoir  malediction.  Ce  qu'il  prouve  par  l'exemple  de  ceulx  desquelz  ilz  sont  imitateurs.  Car  comme  Cain  (ainsi  qu'il  est  escrit  au  second  chapitre  de  Genese)  estant  en  vieux  que  son  frere  estoit  tant  aggreable  a  Dieu  le  meurtrit,  ainsi  ces  malleureux,  desplaisans  que  les  fidelles  servent  en  sainctete  et  innocence  de  vie  a  leur  Dieu,  en  les  pervertissant  s'eeforcent  de  meurtrir  leurs  ames.  Item,  comme  Balaam  pour  loyer  eust  ete  content  de  renverser  les  benedictions  de  Dieu,  et  perdre  le  peuple  d'Israel  (comme  nous  lisons  au  douxiesme  chapitre  des  Nombres)  pareillement  pour  leur  ventre  et  voluptez  ilz  ne  demandent  que  a  dissiper  l'Eglise  de  Dieu  et  la  faire  tomber  et  ruyner  en  malediction,  tellement  qu'en  cela  faire  ilz  sont  du  tout  desbordez