39:511  511  PRAELECTIONES  512  quam  exercuerant  adversus  fratres  suos.  Sed  migratio,  de  qua  loquitur  propheta,  perperam  refertur  ad  captivitatem,  ut  dixi:  quia  potius  intelligit  dilapsos  fuisse  in  varias  plagas  mundi,  quod  tolerabilis  non  esset  ipsorum  conditio  in  patria.  Hinc  autem  colligitur,  quam  duriter  vexati  fuerint  a  Chaldaeis,  quod  sponte  fugerunt.  Scimus  enim  durum  esse  exsilium.  Ergo  qui  relinquunt  ultro  patriam,  nisi  cogantur  magna  necessitate,  videri  possunt  insani.  Colligitur  ergo  violenta  et  barbara  oppressio,  quum  propheta  dicit  Iudaeos  sic  sponte  fuisse  profectos  in  exsilium,  nempe  dum  latebras  captarunt  vel  in  Aegypto,  vel  in  terra  Moab,  vel  apud  alios  vicinos.  Postea  adiungit  alterum  malum,  quod  scilicet  nusquam  invenerint  requiem:  postremo,  quod  deprehensi  fuerint  ab  hostibus  suis  inter  angustias,  ita  ut  nullum  effugium  ipsis  pateret.  Fuisset  iam  tristis  conditio  populi,  degere  trepide  in  aliena  terra.  Nam  scimus  vitam  precariam  parum  differre  a  morte:  nullae  erant  vicinae  gentes,  quibus  non  exosi  essent  Iudaei.  Quum  ergo  illuc  confugerent,  fuit  illud  non  leve  malum.  Sed  quum  nusquam  illis  tranquilla  esset  sedes,  accessit  maior  indignitas,  quam  nunc  exprimit  propheta.  Hoc  vero  quasi  postremum  est  malorum,  dum  cupimus  fugere,  et  trepide  nunc  in  unam  partem,  nunc  in  aliam  deflectimus,  incidere  in  manus  hostium  et  ab  ipsis  deprehendi  ac  si  conclusi  essemus  inter  parietes,  vel  in  aliquo  angiportu,  quemadmodum  quidam  vocem  hebraicam  exponunt.  Sequitur,  4.  Viae  Sion  lugentes  a  non  venientibus  (ad  verbum:  quia  non  sint  qui  veniant)  ad  solennitatem:  omnes  portae  eius  solitariae  (vastatae,  ppoit&O,  sacerdotes  eius  plorantes,  virgines  eius  afflictae,  et  ipsa  amaritudo  ei  (hoc  est,  ipsa  in  amaritudine,  ut  vertit  Hieronymus).  Hic  alteram  doloris  materiam  refert  Ieremias,  quod  scilicet  cessaret  cultus  Dei,  ac  si  esset  interruptus,  imo  videri  posset  exstinctus  in  perpetuum.  Dicit  ergo  vias  Sion  lugere,  quia  nemo  ascendat  ad  dies  festos.  Hoc  figurate  dictum  est.  Scimus  enim  non  cadere  sensum  in  ipsas  vias.  Sed  propheta  hic  tribuit  sensum  rei  inanimatae.  Et  haec  prosopopoeia  magis  emphatica  est,  quam  si  totum  populum  induxisset  lugentem.  Caeterum  hoc  gravius  fuit,  quum  viderent  Iudaei  cultum  Dei  ita  esse  collapsum,  quam  ubi  videbant  se  vel  orbatos  liberis,  vel  coniugibus  viduatos  vel  spoliatos  omnibus  fortunis.  Quanto  enim  pretiosior  est  nobis  Dei  cultus,  et  quanto  pluris  censeri  meretur  religio,  in  qua  aeterna  animarum  salus  consistit,  eo  etiam  durius  ac  luctuosius  est,  videre  ita  dissipatam  ecclesiam,  ut  non  colatur,  neque  invocetur  amplius  Deus.  Terum  quidem  est,  cultum  Dei  non  fuisse  affixum