37:511  511  PRAELECTIONES  512  se  vocavit  fontem  aquarum  viventium,  talem  hodie  experiemur  nisi  per  nostram  malitiam  steterit.  Caeterum  adiungit  propheta  secundum  crimen.  Nam  ubi  deficimus  a  Deo,  fallent  nos  omnes  nostrae  fiduciae,  et  quamvis  primo  intuitu  appareant  nobis  putei  vel  fontes,  ubi  tamen  sitis  nos  urgebit  non  reperiemus  guttam  aquae,  sed  aridas  tantum  cavitates  in  omnibus  nostris  figmentis.  Sequitur,  14.  An  servus  Israel?  An  (si)  genitus  domi?  (hoc  est,  an  verna?  Accipiunt  enim  puerum  domi  natum  pro  verna)  quare  factus  est  in  praedam  ?  15.  Super  eum  rugient  (vel  rugiunt)  leones:  (Alii  vertunt  catulos  leonum:  et  saepe  significat  minores  leones  hoc  nomen,  sed  ubi  adiungitur  reliquis:  ubi  autem  solum  ponitur,  ego  semper  interpretor  generaliter  pro  leonibus)  miserunt  vocem  suam:  posuerunt  terram  eius  in  vastitatem,  urbes  eius  exustae  sunt  (vel  destructae:  nam  n  tantundem  valet  atque  1  hoc  loco)  absque  habitatore.  16.  Etiam  filii  Noph  (hoc  est,  Mempheos:  vocant  enim  Hebraei  Noph  urbem  quae  fuit  olim  metropolis  Aegypti)  et  Thaphanes  (vel  Thaphis,  ut  vertunt  Graeci)  frangent  tibi  verticem.  17.  An  non  hoc  fecit  tibi,  deserere  tuum  (hoc  est,  quod  deserueris)  Iehovam  Deum  tuum,  quo  tempore  ducebat  te  per  viam  ?  Coniunctim  legendi  sunt  hi  versus:  quia  initio  docet  propheta  Israelem  non  esse  sua  conditione  tam  miserum,  sed  hoc  fieri  nova  causa:  deinde  causam  ipsam  assignat.  Interrogat  igitur  primum,  An  servus  sit  Israel,  aut  verna.  Deus  adoptaverat  sibi  hunc  populum,  et  pollicitus  fuerat  se  ita  fore  erga  eum  liberalem,  ut  modis  omnibus  beatus  esset,  atque  adeo  exemplar  quoddam  felicitatis:  In  te  benedicentur  omnes  gentes,  dicebat.  Videmus  ergo  qualis  fuerit  conditio  Israelis,  nempe  qua  excelleret  prae  aliis  omnibus  gentibus,  quia  erat  populus  Deo  peculiaris,  erat  eius  haereditas,  erat  regale  sacerdotium.  Propheta  igitur  per  admirationem  quasi  de  re  nova  et  absurda  sciscitatur,  An  servus  est  Israel?  atqui  erat  liber  prae  cunctis  gentibus:  erat  enim  filius  primogenitus  Dei.  Necesse  est  igitur  quaerere  aliam  causam,  cur  adeo  miser  sit.  Nam  dicit  postea,  Rugire  contra  eum  leones,  et  vocem  suam  emittere:  dicit  urbes  eius  comburi,  aut  destrui:  dicit  terram  redigi  in  vastitatem.  Postea  tandem  adiungit,  An  non  hoc  Ubi  fecit?  Iterum  hoc  interrogative.  Sed  bis  affirmat,  quoniam  eximit  omnem  dubitationem:  quid  causae  esse  dices,  cur  tantopere  sis  miser,  ita  ut  omnes  tibi  sint  infesti,  et  obnoxius  sis  omnium  iniuriis?  unde  hoc  fieri  dices,  nisi  propter  malitiam  tuam?  Nunc  ergo  tenemus  prophetae  sensum.  Sed  quo  clarior  sit  doctrina,  notandum  est  hic  probrose  in  memoriam  reduci  beneficia,  quae  contulerat