35:511  511  SERMON  OLIX  512  autre  chose,  sinon  que  nous  sommes  confermez  en  la  bonte  de  nostre  Dieu,  que  nous  avons  approbation  de  son  aide  plus  grande,  que  nostre  foi  est  exercee  tousiours  quand  nous  sommes  affligez:  ne  voila  pas  beaucoup?  Un  homme  qui  n'auroit  point  assez  cognu  que  c'est  que  vaut  la  grace  de  Dieu  pour  nous  secourir  en  la  necessite:  quand  il  sera  afflige,  il  voit  que  Dieu  le  fortifie  par  son  S.  Esprit  tellement  qu'il  porte  l'affliction  doucement  :  et  quand  il  est  delivre,  il  cognoist  que  Dieu  alors  y  a  mis  la  main:  la  dessus  il  cognoist  que  si  Dieu  lui  a  assiste  pour  un  coup,  iamais  ne  lui  defaudra.  Quand  nous  n'aurions  autre  chose  sinon  que  d'un  coste  nous  voyons  l'aide  que  Dieu  nous  fait:  et  puis  que  nous  voyons  qu'il  besongne  en  nous  par  son  sainct  Esprit,  afin  que  nous  ne  defaillions  point:  et  finalement  que  Dieu  par  telle  experience  nous  declare  qu'il  est  tousiours  prest  a  nous  aider:  quand,  di-ie,  nous  n'aurions  que  cela,  n'est-ce  point  un  profit  inestimable?  Mais  il  y  a  encores  plus,  c'est  que  Dieu  nous  fait  sentir  nos  infirmitez  qui  nous  estoyent  incognues:  et  par  cela  nous  sommes  plus  incitez  a  l'invoquer,  comme  s'il  nous  y  avoit  aguisez.  Et  d'autre  part,  la  ou  nous  avions  prins  les  corrections  a  la  volee,  nous  sommes  enseignez  de  les  recevoir  comme  de  sa  main,  d'en  faire  nostre  profit.  Et  puis,  quand  nous  sommes  ainsi  abbatus,  nous  sommes  mieux  disposez  pour  aspirer  a  la  vie  celeste:  car  ceux  qui  s'esgayent  quant  au  monde,  ils  se  destournent  de  Dieu.  Au  contraire  quand  nous  sommes  mattez,  et  que  Dieu  nous  a  mis  iusques  au  bas,  et  que  nous  sommes  tellement  humiliez  et  affaiblis  que  nous  ne  savons  que  devenir:  c'est  afin  de  nous  faire  approcher  de  soi,  afin  de  nous  faire  tant  mieux  gouster  le  salut  spirituel  qui  nous  est  appreste.  Quand  donc  nous  n'aurions  que  ces  choses,  ne  devons-  nous  pas  cognoistre  que  ce  qui  est  escrit  de  Iob  est  accompli  en  nous,  et  que  nous  en  avons  un  vrai  exemple?  Ainsi  permettons  a  Dieu  de  nous  traitter,  et  de  nous  eslargir  de  ses  graces  comme  il  verra  estre  bon.  Mais  quoi  qu'il  en  soit,  cognoissons  que  Tissue  de  nos  afflictions  sera  tousiours  heureuse.  Et  de  fait  quand  mesmes  il  n'y  auroit  que  cela,  que  c'est  pour  nous  amener  a  la  gloire  de  nostre  Seigneur  Iesus  Christ,  quand  nous  serons  retirez  de  ce  monde,  que  nous  serons  en  la  compagnie  du  Fils  de  Dieu  et  de  ses  Anges:  ne  devons  nous  pas  honorer  les  afflictions?  Et  encores  que  selon  la  chair  elles  nous  soyent  aspres  et  dures:  toutes  fois  n'avons-nous  point  dequoi  nous  resiouyr  tousiours,  et  rendre  graces  a  nostre  Dieu,  principalement  quand  il  nous  delivre  des  miseres  ou  nous  sommes  de  present?  Or  pource  que  tout  ne  se  pourroit  vuider  au  long,  et  que  c'est  assez  d'avoir  un  petit  sommaire