32:511  511  TROISIEME  SERMON  512  permet  point  que  tes  commandemens  me  soyent  ostez.O  r  ce  passage  contient  une  doctrine  et  exhortation  qui  nous  est  bien  utile,  car  nous  scavons  quelle  froidure  il  y  a  en  nous,  au  lieu  que  nous  devrions  avoir  un  desir  ardent  d'estre  enseignez  en  la  Parole  de  Dieu,  et  y  estre  confermez  de  plus  en  plus.  Ie  vous  prie  combien  sommes-nous  nonchalans?  Or  qui  en  est  cause?  Il  faut  tousiours  venir  a  la  racine  du  mal:  quand  nous  voyons  quelque  vice  en  nous,  nous  devons  enquerir  de  la  cause,  afin  d'y  cercher  remede.  Or  c'est  d'autant  que  nous  sommes  aveuglez,  et  qu'il  nous  semble  que  nous  devons  tousiours  demeurer  en  terre,  qu'un  chacun  se  forge  yci  une  vie  immortelle.  Et  quand  nous  sommes  ainsi  addonnez  au  monde,  que  nous  pensons  y  avoir  un  heritage  permanent,  voyla  qui  est  cause  que  nous  mesprisons  et  Dieu  et  sa  parole,  ou  bien  qu'il  ne  nous  chaut  gueres  de  cercher  la  doctrine  de  nostre  salut.  Que  faut-il  donc?  Que  nous  regardions  plus  loing  qu'au  monde,  afin  de  venir  a  Dieu,  et  d'estre  exercez  en  ceste  estude  dont  il  est  yci  question,  pour  dire  avec  David  :  Seigneur,  puis  que  nous  sommes  estrangers  en  ce  monde,  c'est  a  dire,  que  nous  avons  seulement  a  passer  yci,  que  nostre  vie  est  si  briefve  que  rien  plus,  ne  permets  que  tes  commandemens  nous  soyent  ostez.  D'autrepart,  David  a  voulu  signifier,  qu'il  eust  este  comme  un  povre  homme  esgare  et  errant,  sinon  qu'il  eust  eu  la  conduite  de  la  Parole  de  Dieu.  Et  ceste  similitude-la  est  bien  convenable.  Nous  scavons  qu'un  homme  qui  sera  en  pays  estrange,  se  trouvera  tout  nouveau  et  esperdu,  s'il  n'ha  quelque  guide  et  conduite*  il  ne  scaura-que  devenir.  Or  ainsi  en  est-il  de  nous,  si  nous  ne  sommes  addressez  et  conduits  par  la  main  de  Dieu.  Et  pourquoy?  Oar  nous  sommes  comme  estrangers  en  ce  monde.  Il  est  vray  que  nous  n'y  sommes  que  trop  attachez,  quant  a  nostre  affection,  mais  cependant,  o!  nous  ne  laissons  pas  d'estre  si  confus  en  nos  sens,  que  nous  ne  scavons  quel  chemin  nous  avons  a.  tenir,  sinon  qu'il  nous  soit  monstre.  Voyla  donc  le  second  point  qu'emporte  la  similitude  dont  use  yci  David,  disant  qu'il  est  estranger  au  monde  :  c'est  qu'il  se  plaind,  qu'il  y  est  nouveau  et  confus,  et  pour  ceste  cause  il  prie  Dieu,  qu'il  le  gouverne  par  sa  Parole.  Or  il  s'ensuit.  Mon  ame  est  ravie  du  desir  qu'elle  a  en  tes  droitures  en  tout  temps.  Quand  il  dit  que  son  ame  est  ravie,  c'est  pour  protester,  qu'il  n'a  point  demande  a  Dieu  ce  que  nous  avons  ouy,  par  ceremonie  ne  par  acquit,  comme  beaucoup  font,  qui  prient  assez  Dieu  qu'il  les  illumine,  et  qu'il  les  conferme  en  la  verite  de  sa  Parole,  et  qu'il  les  guide:  mais  cependant  ce  n'est  pas  qu'ils  cerchent  cela  comme  ils  doyvent.  Or