9:510  Christi  corpus  minime  transmitti  in  ventrem  reproborum.  Hinc  iudicent  lectores  ubi  appareat  insulsitas.  Quin  etiam  ut  corpus  Christi  sub  terrena  elementa  trahat,  cogitur  immensitatem  affingere  piorum  omnium  corporibus,  et  nos  facete  deridet:  quia  si  illis  maneret  sua  dimensio,  beatiores  essent  post  resurrectionem  qui  proxime  Christum  sederent.  Nos  vero  qui  acquiescimus  in  Christi  responso,  diem  illum  exspectamus,  quo  unumquemque  coelestis  pater  in  proprio  gradu  statuet.  Interea  Serveticum  delirium  abominamur,  quod  iterum  obtrudit  Heshusius.  Concludit  tandem:  Si  immensa  Dei  sapientia  et  potentia  nullis  physicis  legibus  limitatur:  si  dextra  Dei  non  exiguum  aliquem  locum  in  coelo  significat,  sed  aequalem  cum  patre  gloriam:  si  humana  Christi  natura,  eo  quod  λόγῳ  unita  est,  sublimes  habet  praerogativas,  et  quasdam  proprietates  cum  essentia  divina  communes:  [pag.  80]  si  Christus  non  solum  quoad  spiritum,  sed  quatenus  Deus  est  et  homo,  in  pectoribus  piorum  habitat,  ascensione  Christi  in  coelum  astrui  et  efficaciter  stabiliri  praesentiam  eius  in  eucharistia.  Ego  autem  contra  regero  :  Si  non  est  inter  nos  philosophica  disceptatio,  nec  Christum  subiicimus  physicis  legibus,  sed  ex  scripturae  testimoniis  reverenter  ostendimus  quaenam  sit  carnis  eius  natura  et  proprietas,  futiliter  Heshusium  ex  falsis  principiis  colligere  quod  libitum  est.  Iterum  colligo:  Si  liquet,  quod  clarissime  monstravi,  quod  de  dextra  Dei  profert  tanquam  mihi  adversum  ex  meis  scriptis  sumpsisse,  rursus  improbum  calumniatorem  deprehendi.  Quod  carni  Christi  quasdam  proprietates  cum  deitate  communes  esse  dicit,  demonstrationem  requiro,  quae  nulla  praecessit.  Postremo  concludo:  Bi  Christus  secundum  utramque  naturam  naturaliter  vel  substantialiter  in  fidelibus  habitat,  non  aliam  esse  manducationem  in  coena,  quam  quae  fide  absque  symbolo  percipitur.  Tandem  cursim  dicit  facile  solvi  quaecunque  obiicimus  de  Christi  discessu:  quia  non  de  absentia  personae  intelligi  debeant,  sed  tantum  de  modo,  nempe  quod  non  visibiliter  ipsum  habemus  praesentem,  sed  invisibiliter.  Trita  quidem  solutio,  quam  ne  mulierculae  quidem  in  papatu  ignorant,  sed  quae  Augustinum,  Heshusii  quoque  concessione  praecipuum  et  optimum  fidelissimumque  ex  antiquis  doctoribus,  latuit.  Nam  locum  illum1)  exponens:  Secundum  maiestatem  suam,  inquit,2)  secundum  providentiam,  secundum  ineffabilem  et  invisibilem  gratiam  impletur  quod  ab  eo  dictum  est:  Ecce  ego  vobiscum  sum  omnibus  diebus:  secundum  carnem  vero  [pag.  811  quam  verbum  assumpsit,  secundum  id  quod  de  virgine  natus  est,  secundum  id  quod  a  1)  Matth  28,  20.  2)  Tractatu  in  Ioann.  50.