6:510  vitiis  nequaquam  fuisse  vehementiores,  quam  res  ipsa  flagitabat.  Neque  id  nostros  reprehensores  fugit.  Itaque  ad  alteram  criminationem  confugiunt.  Nihil  aliud  nos  tumultuando  profecisse,  nisi  ut  intestinis  discordiis  ferveret  orbis  christianus,  qui  saltem  ante  pacatus  erat.  Adeo  enim  nihil  emendationis  apparere,  ut  prolapsa  in  deterius  sint  omnia:  ex  iis,  qui  doctrinam  nostram  sunt  amplexi,  paucos  inde  factos  esse  meliores:  quin  etiam  quibusdam,  si  non  maioris,  at  dissolutioris  nequitiae  audaciam  praeiruisse.  Obiiciunt  praeterea:  nullam  esse  in  ecclesiis  nostris  disciplinam,  nullas  abstinentiae  leges,  nulla  humilitatis  exercitia:  plebem,  quae  nullo  iugo  retineatur,  licentia  impune  lascivire.  Postremo,  invidiam  nobis  de  bonorum  ecclesiasticorum  direptione  faciunt.  Principes  enim  nostros  in  ea,  non  secus  atque  in  hostilem  praedam,  involasse:  ita  spoliatam,  indigna  violentia,  ecclesiam  fuisse:  hodieque,  confuso  discrimine  possideri  ab  iis  ecclesiae  patrimonium,  qui  in  medio  contentionum  strepitu  ea,  sine  iure,  sine  honesto  ullo  titulo,  occupaverint.  Equidem  non  nego,  quum  absque  controversia  regnaret  impietas,  turbatum  eius  regnum  per  nos  fuisse.  Quod  si  sanae  piaeque  doctrinae,  statim  atque  mundo  illuxit,  sponte  omnes  promptisque  animis,  sicuti  par  erat,  manum  dedissent,  non  minus  hodie  tranquilla  pax  et  quies  esset  inter  omnes  ecclesias,  florente  Christi  regno,  quam  tunc,  Antichristo  tyrannidem  [pag.  99]  obtinente.  Desinant  ergo,  ≪quos  veritatis  cursum  impedire  constat,  cum  Christo  bellum  gerere,  et  statim  optima  erit  concordia:  aut  dissensionum,  quas  agitant  ipsi,  culpam  in  nos  reiicere  desirant.  Nam  istud  certe  perquam  iniquum  est,  quum  non  aliam  a  se  pacis  conditionem  impetrari  sustineant,  nisi  ut  profligata  pietatis  doctrina,  Christo  velut  in  sepulcrum  recondito,  iterum  ecclesiam  subigat  Antichristus,  non  gloriari  solum  tanquam  innoxios,  sed  nobis  etiam  ultro  insultare  :  nos,  qui  nihil  aliud  cupimus  quam  unitatem,  cuius  modo  vinculum  sit  aeterna  Dei  veritas,  totum  crimen  et  odium  sustinere:  perinde  ac  si  contentionum  essemus  autores.  Quod  nullum  fructum  ex  doctrina  nostra  consequutum  es&e  exprobrant:  scio  equidem  nos  profanis  hominibus  ob  hanc  eandem  causam  derisui  esse,  quod  insanabiles  morbos  commovendo,  nihil  quam  exulceremus.  Sic  enim  existimant:  tam  perdito  ecclesiae  statu,  frustra  tentari  remedia,  quum  nulla  sit  spes  sanitatis.  Proinde  melius  nihil  esse  concludunt,  quam  malum  bene  positum  non  movere.  Qui  in  hunc  modum  loquuntur,  ecclesiae  instaurationem  non  intelligunt  opus  esse  Dei,  quod  a  spe  opinioneque  hominum  nihilo  magis  pendeat,  quam  aut  mortuorum  resurrectio,  aut  aliud  miraculum  ex  eo  genere.  Non  ergo  aut  ex  hominum  voluntate,  aut  ex  inclinatione  temporum  exspectanda  est  hic  agendi  facilitas:  sed  per