55:510  qu'ilz  ont  degenere  de  la  bonne  nature  en  laquelle  ilz  estoyent  creez.  Mais  les  a  exterminez  de  son  Royaume,  les  iettant  en  miserable  captivite,  iusques  a  ce  que  le  grand  Iour  viendra,  ou  ilz  recevront  leur  derniere  sentence.  Ou  nous  avons  mis  ce  mot  Commencement,  le  mot  grec  a  signification  doubteuse:  tellement  que  les  autres  disent  principaute:  mais  le  premier  est  le  plus  propre  a  la  matiere  presente  :  pour  ce  qu'il  veult  admonnester  le  peuple  de  ne  se  desvoyer  du  droict  chemin.  Comme  Sodome  et  Gomorrhe  et  les  cinq  villes  prochaines  ^icelles  ayant  paillarde  en  mesme  maniere^  et  s'estant  desbourdees  a  suyvre  autre  chair,  sont  laissees  pour  exemple,  ayant  receu  iugement  de  feu  eternel:  aussi  pareillement  ceux  icy  estans  de  resverie  eslourdiZy  souillent  leur  chair,  mesprisent  domination,  et  mesdisent  des  puissances.  Il  veult  dire  que  comme  Sodome  et  Gomorrhe  et  les  villes  voisines,  pour  l'horrible  confusion,  laquelle  est  tombee  dessus  icelles,  sont  exemple  d'un  merveilleux  iugement  de  Dieu:  ainsi  il  en  adviendra  de  ceux  dont  il  parle:  lesquelz  ne  sont  moins  damnables  en  leurs  oeuvres.  Tellement  que  leur  ruine  ne  sera  en  rien  moins  legiere  que  celle  que  nous  lisons  en  Genese  des  dictes  villes.  Par  l'autre  chair,  il  entend  les  cupiditez  desordonnees  et  estranges,  dont  estoyent  souillez  ces  peuples.  Car  ilz  sortoyent  hors  des  limites  de  nature  pour  obeir  a  leur  sensualite  brutale.  Quand  il  dit,  qu'elles  ont  receu  iugement  de  feu  eternel  :  ii  demonstre  que  le  feu  subit  qui  y  descendit  du  ciel,  n'estoit  sinon  une  monstre  exterieure  du  feu  spirituel,  qui  iamais  ne  s'esteindra.  On  voit  en  ce  passage  une  partie  des  faultes  de  ces  mal-heureux  personnages,  qui  corrumpoyent  les  Eglises  de  ce  temps  la:  Car  il  dit  qu'ils  estoyent  eslourdiz  en  songes,  signifiant  qu'ilz  estoyent  du  tout  menez  et  transportez  par  leur  affection  charnelle,  comme  l'esprit  du  dormant  est  ravy  et  trouble  par  ce  qu'il  songe,  d'autant  qu'il  n'y  a  nulle  raison  qui  le  retire  de  sa  perturbation.  Secondement,  que  eux  mesmes  se  souilloyent  par  abominations  lesquelles  il  a  mieulx  ayme  seulement  noter  que  exprimer.  Finalement  qu'ilz  diffamoyent  les  puissances  et  superioritez  que  le  Seigneur  a  ordonne  pour  gouverner  les  choses  humaines:  voulant  introduire  une  confusion,  a  fin  qu'on  ne  peust  plus  discerner  entre  bien  et  mal.  Or  Michel  archange,  quand  en  questionnant  disputoit  avec  le  diable  du  corps  de  Moyse  riosa  iecter  iugement  de  malediction,  ains  dict:  Que  le  Seigneur  te  redargue:  Mais  ceulx  cy  des  choses  qu*tt*  ignorent  ilz  mesdisent:  et  celles  que  naturellement  comme  bestes  brutes  ils  approuvent