35:510  8  chapit,  des  Rom.  (v.  28)  qu'en  toutes  nos  miseres  nous  sommes  configurez  a  nostre  Seigneur  Iesus  Christ  qui  est  le  Fils  aisne  en  la  maison  de  Dieu.  Et  defait  si  mesmes  nous  contemplons  seulement  la  croix  de  Iesus  Christ,  elle  est  maudite  par  la  bouche  de  Dieu  :  nous  n'y  verrons  qu'opprobre,  que  frayeur:  bref  il  semble  que  le  gouffre  d'enfer  soit  ouvert  pour  abysmer  Iesus  Christ.  Mais  quand  nous  conioindrons  sa  resurrection  avec  sa  mort:  voila  pour  nous  resiouyr,  voila  pour  adoucir  toutes  nos  tristesses:  afin  que  nous  ne  soyons  point  contristez  outre  mesure,  quand  il  plaira  a  Dieu  de  nous  affliger.  Or  cela  notamment  a  este  accompli  en  nostre  Seigneur  Iesus,  afin  que  nous  sachions  que  ce  n'est  point  seulement  pour  une  personne  que  ceci  est  escrit:  mais  que  nous  cognoissions  que  le  Fils  de  Dieu  nous  fera  participans  de  sa  vie,  quand  nous  serons  morts  avec  lui,  et  participans  de  sa  gloire,  quand  nous  porterons  toutes  les  ignominies,  et  toutes  les  povretez  qu'il  plaira  a  Dieu  nous  mettre  sur  les  espaules:  comme  aussi  S.  Paul  en  parle  en  un  autre  lieu.  Nous  voyons  donc  pourquoi  ceci  nous  est  recite:  c'est  afin  que  nous  ne  soyons  point  du  tout  surprins,  quand  nous  verrons  que  Dieu  nous  afflige  :  que  nous  ne  concevions  point  une  tristesse  qui  nous  serre  le  coeur,  et  qui  nous  tienne  la  captifs,  tellement  que  nous  ne  puissions  recevoir  nulle  consolation  :  mais  que  nous  regardions  tousiours  a  l'issue  que  Dieu  a  promise  a  ses  enfans:  comme  il  Pa  monstre  par  effect  tant  en  Iob  qu'en  David  et  aux  autres,  mais  sur  tout  en  nostre  Seigneur  Iesus  Christ  qui  est  le  vrai  et  souverain  patron  de  tous  fideles.  Vrai  est  qu'il  n'aviendra  pas  communement,  que  Dieu  redouble  ses  graces  envers  ceux  qui  auront  este  affligez:  tellement  que  cela  apparoisse  qu'ils  soyent  beaucoup  plus  riches  qu'ils  n'ont  este,  qu'ils  ayent  et  enfans,  et  lignee,  et  tout  ce  qui  est  desirable  selon  le  monde.  Cela  donc  ne  se  verra  pas  tousiours:  car  aussi  Dieu  ne  nous  traitte  point  d'une  mesure  egale:  il  sait  ce  qui  est  propre  a  chacun,  et  il  faut  que  nous  soyons  disposez  a  recevoir  nostre  portion  telle  qu'il  lui  plaira  nous  distribuer,  comme  un  pere  de  famille  qui  sait  bien  ce  qui  est  utile  a  son  mesnage.  Mais  quoi  qu'il  en  soit,  si  nous  faut-il  faire  une  regle  commune,  Que  Dieu  non  seulement  mettra  fin  en  nos  afflictions,  quand  il  en  sera  temps:  mais  aussi  il  nous  les  fera  tourner  a  salut,  tellement  que  nous  sentirons  qu'il  ne  nous  a  pas  mis  en  oubli  du  temps  qu'il  nous  affligeoit:  mais  plustost  qu'il  s'est  tousiours  monstre  Pere  envers  nous,  quand  il  n'a  point  voulu  que  nous  sussions  par  trop  endormis  en  ce  monde.  Quant  aux  benedictions  temporelles,  et  bien  prenons-les  selon  que  Dieu  les  envoyera:  mais  regardons  au  principal:  c'est  que  s'il  n'y  avoit