9:51  51  SECUNDA  DEFENSIO  PIAE  ET  ORTHODOXAE  DE  SACRAMENTIS  FIDEI,  ADVERSUS  IOACHIMI  WESTPHALI  CALUMNIAS,  IOANNE  CALVINO  AUTORE.  ')  [pag.  10]  Quam  invitus  ad  hoc  certamen,  quod  ab  initio  hucusque  defugere  conatus  sum,  nunc  iterum  pertrahar,  multis  verbis  testari,  mihi  necesse  non  esse  arbitror.  Omnibus  enim  qui  scripta  mea  legerunt  non  obscurum  est,  quam  moderate  argumentum,  quod  graves  inter  pios  et  doctos  viros  pugnas  nostro  saeculo  excitaverat,  tractaverim:  ut  inde  nulla  saltem  acerbior  offensio  oriri  posset.  Nam  etsi  docendi  rationem  ad  hominum  gratiam  non  inflexi,  quod  tamen  ingenue  et  sincere  ex  genuino  animi  mei  sensu  professus  sum,  eiusmodi  erat,  ut  ad  placandos  animos  magis  quam  ad  augenda  dissidia  valere  debuerit.  Nam  et  iam  aliqua  ex  parte  sedatus  erat  ille,  quem  dixi,  contentionis  fervor,  ut  in  placidis  eorum  scriptionibus  purior2)  liqueret  rei  explicatio.  Ac  libenter  glorior,  quum  alii  ad  alios  propius  accedere  coepissent,  eorum  consensu,  licet  nondum  pleno  et  solido,  me  fuisse  non  [pag.  l  l  ]  mediocriter  adiutum.  Quum  enim  a  tenebris  papatus  emergere  incipiens,  tenui  sanae  doctrinae  gustu  concepto,  legerem  apud  Lutherum,  nihil  in  sacramentis  ab  Oecolampadio  et  Zvinglio  reliquum  fieri  praeter  nudas  et  inanes  figuras,  ita  me  ab  ipsorum  libris  alienatum  fuisse  fateor,  ut  diu  a  lectione  abstinuerim.  Porro  antequam  scribere  aggressus  sum,  Marpurgi  inter  se  colloquuti  aliquid  ex  priore  vehementia  remiserant,  ut  si  nondum  plane  esset  serenitas,  aliquantulum  tamen  discussa  esset  densior  caligo.  Hoc  quidem  mihi  iure  vendico,  nunquam  me  ambigua  loquendi  forma  captiose  aliud  prae  me  tulisse  quam  sentirem.  Postquam  absque  dissimulatione  ita  in  lucem  prodii,  nullus  ex  dissentientibus,  quorum  tunc  vigebat  fama  et  autoritas  florebat,  signum  offensi  animi  dedit.  Nam  cum  praecipuis  quibusque  sententiae  Lutheri  patronis,  1)  Ioanne  Calvino  autore.  Haec  verba  in  sola  editione  principe  latina  addita  leguntur.  2)  plus  coulante  et  claire.