8:51  51  DE  SCANDALIS.  52  pretiosae  sint  Deo  animae,  quibus  salutis  viam  malo  suo  exemplo  praecludunt.  Primum,  nimia  est  ista  improbitas,  Deum,  quem  factis  abnegant,  ore  confiteri,  sicut  Paulus  dicit  (Tit.  1,  16):  ut  coelestis  sapientiae  discipuli  appareant,  quum  tota  vita  manifestum  Dei  contemptum  arguat.  Sed  [pag.  63]  haec  plus  quam  sacrilega  impietas,  evangelio  ad  scelerum  praetextum  abuti.  Loquor  de  artificio  iam  vulgari,1)  quo  se  perfidi  et  nequam  homines2)  ad  fallendum,  fraudandum,  modisque  omnibus  nocendum  insinuant.  Vidi  olim,  quos  lenociniis  suis  impurisque  actionibus  non  pudebat  evangelii  umbram  obtendere.8)  Alii  qui  minus  sunt  scelerati,  dissolute  tamen  vivendo  et  ecclesiam  polluunt  vitiorum  suorum  sordibus,  et  evangelio  maculam  aspergunt.  Tam  illud  quidem  miserum  est  ac  dolendum,  non  modo  imputari  sanctitatis  doctrinae  hominum  flagitia,  sed  in  eorum  persona  calumniose  eam  traduci.  Sed  aliud  est  ecclesiae  ulcus  magis  deplorandum:  quod  pastores,  ipsi,  inquam,  pastores,  qui  suggestum,  hoc  est,  sacrum  Christi  tribunal  ea  lege  conscendunt,  ut  vitae  puritate  prae  aliis  omnibus  excellant,  interdum  sunt  turpissima  vel  nequitiae  vel  malorum  aliorum  exempla.  Ita  fit,  ut  nihilo  plus  fidei  ac  gravitatis  obtineant  eorum  conciones,  quam  si  fabulam  in  scena  ageret  histrio.  4)  Et  tales  scilicet  contemptui  se  esse  apud  plebem,  aut  etiam  ludibrii  causa  digito  se  monstrari  conqueruntur.  Ego  autem  potius  vulgi  miror  patientiam,  quod  non  eos  luto  et  stercoribus  mulieres  ac  pueri  operiunt  Ministerii  dignitatem  extollunt  plenis  buccis:  at  "illis  non  venit  in  mentem,  ideo  non  haberi  suum  ministerio  honorem,  quia  ipsum  sua  turpitudine  conspurcant.  Nam  sicuti  vere  olim  a  quodam  dictum  est:  Ut  ameris,  amabilis  esto:  ita  morum  gravitate  et  sanctimonia  reverentiam  sibi  acquirant  oportet,  qui  in  pretio  haberi  volunt.  Atque  utinam  tali  hominum  colluvie  exonerari  purgarique  posset  ecclesia.  Sed  longe  aliter  ut  plurimum  contingit.  Nam  quum  se  merito  contemptibiles  esse  norint,0)  mala  [pag.  64]  conscientia  libertatem  illis  adimit.6)  Denique,  quum  propter  inhonestae  vitae  probra  sentiant  omnibus  se  obnoxios,  vel  pudore  metuque  retenti  hiscere  non  audent,  quoties  severe  exigendum  foret,  quod  ipsi  minime  praestant,  vel  parcere  delinquentibus  coguntur  et  adulari.  Adde  quod  ignavi  sunt  ventres,  qui,  ut  molestia  omni  valere  iussa  otio  delitiisque  suis  consulant,  coelum  passuri  sint  terrae  misceri.  Eorum  etiam  nonnulli  1)  Princeps  habet:  non  vulgari.  2)  (perfidi  et  nequam  homines)  beaucoup  de  galans.  3)  Add.  brief,  qui  en  eussent  volontiers  fait  un  maquerelage.  4)  que  si  une  farce  se  iouoit  sur  un  eschaffaut.  5)  Add.  telle  canaille  qui  occupe  le  lieu  de  pasteurs.  6)  Sic  Beza  et  Amst  Princeps  et  1551  :  adimat.