58:51  51  TROISIEME  SERMON  52  ceste  doctrine  comme  il  faut.  Car  au  lieu  que  ces  fantastiques  et  coquards,  qui  veulent  estre  veus  bien  subtils  et  aigus  en  bataillant  a  l'encontre  de  Dieu  et  de  sa  verite:  au  lieu  qu'ils  cerchent  comment  ils  pourront  contredire,  il  nous  faut  regarder  comme  Dieu  nous  satisfait,  et  a.  quelle  fin  il  nous  adresse  ceste  doctrine,  et  dequoy  il  veut  qu'elle  nous  serve:  c'est  de  savoir  que  nous  sommes  esleuz,  et  non  pas  tous.  Car  en  premier  lieu,  quand  nous  voions  que  nous  ne  pouvons  pas  recevoir  l'evangile,  sinon  par  un  don  special  de  Dieu,  cela  est  pour  nous  faire  tant  plus  magnifier  sa  bonte  envers  nous  et  pour  voir  son  iuste  iugement  envers  les  reprouvez,  quand  il  les  destitue  de  ceste  doctrine:  comme  nous  voions  en  la  Papaute,  que  les  hommes  sont  comme  bestes  brutes,  qui  errent  et  qui  tracassent  parmi  les  deserts,  sans  tenir  ne  voie  ne  sentier.  Or  de  nostre  coste,  nous  avons  un  tesmoignage  certain,  qui  nous  doit  tant  plus  inciter  a  priser  ceste  grace  singuliere  envers  nous,  et  aussi  quand  nous  en  voions  d'aucuns  qui  ont  les  aureilles  sourdes  combien  que  iournellement  on  leur  declare  familierement,  et  que  on  leur  masche,  par  maniere  de  dire,  ce  qui  est  requis  a  leur  salut,  ils  demeurent  tousiours  en  leur  estat  :  ou  bien  ils  ne  sont  nullement  touchez,  et  ne  leur  chaut  de  s'abandonner,  comme  en  despit  de  Dieu,  a  toute  licence  de  mal:  quand  nous  voions  cela,  il  est  certain  que  nostre  Seigneur  nous  oblige  tant  plus  a  soy,  de  ce  qu'il  lui  a  pleu  nous  faire  sentir  sa  bonte,  et  que  nous  avons  pris  un  tel  goust  a  l'esperance  de  salut  qu'il  nous  propose:  que  nous  avons  renonce  au  monde,  et  quelque  foiblesse  qu'il  y  ait  en  nous,  combien  que  nous  soions  pleins  de  vices  et  de  corruption,  neantmoins  qu'encore  hayssons-nous  le  mal  qui  est  en  nous  et  prenons  plaisir  au  bien.  Quand  donc  nous  avons  cela,  il  est  certain  que  si  nous  ne  sommes  plus  durs  que  fer  et  acier,  nous  devons  avoir  toute  rebellion  fendue  et  rompue:  et  faut  que  nous  soions  enflammez  de  l'amour  de  Dieu,  et  que  nous  aions  la  bouche  ouverte  pour  benir  et  priser  la  grace  qu'il  a  demonstree  si  excellente  et  si  magnifique  envers  nous.  Voila  donc  le  but  que  l'escriture  nous  monstre.  Or  cependant,  ces  canailles  viendront  dire:  O,  Dieu  seroit  accepteur  des  personnes.  Voire,  comme  si  Dieu  regardoit  au  riche,  ou  au  povre,  en  son  election,  comme  s'il  regardoit  le  noble  d'avec  un  povre  homme,  s'il  regardoit  le  sage  d'avec  un  idiot:  car  voila  que  c'est  avoir  acception  des  personnes.  Ce  mot  de  Personnes  en  l'escriture,  emporte  Regard,  ou  Face,  comme  aussi  l'escriture  en  use.  Or  Dieu  ne  nous  eslit  pas  pour  nos  beaux  yeux.  Qui  est-ce  qui  te  discerne?  (alleguions-nous  hier  de  saint  Paul.)  Quand  donc  Dieu  eslit  ceux  qu'il  lui  plaist,  c'est  en  son  conseil  eternel,  et  en  soy-mesme:  c'est  a  dire,  il  a  son  secret,  que  nous  devons  adorer,  sans  nous  enquerir