54:51  51  SERMON  V  notons  aussi  pour  la  fin,  que  ceste  doctrine  nous  est  plus  qu'utile,  quand  nous  la  pourrons  bien  appliquer  a  nostre  usage.  Ceux  qui  voudroyent  qu'on  ne  parlast  point  de  l'election  de  Dieu,  diront,  Ho,  comment?  cela  n'est  pas  necessaire.  Or  telles  gens  n'ont  iamais  gouste  que  c'estoit  ne  de  la  bonte  de  Dieu,  ne  de  l'esperance  que  nous  devons  avoir:  ils  ne  scavent  gueres  que  c'est  non  plus,  d'aller  a  nostre  Seigneur  Iesus  Christ.  Car  si  nous  ne  scavons  que  nous  sommes  sauvez  d'autant  qu'il  a  pleu  a  Dieu  de  nous  elire  devant  la  creation  du  monde,  comment  scaurons-nous  ce  que  sainct  Paul  nous  recite,  c'est  ascavoir  que  nous  soyons  dediez  a  Dieu  pour  estre  disposez  a  vivre  et  a  mourir  a  son  service?  Comment  pourrons-nous  magnifier  son  nom?  Comment  pourrons-nous  confesser  que  nostre  salut  procede  de  luy  seul,  et  qu'il  en  est  le  commencement,  et  que  nous  ne  luy  avons  point  aide  en  cela?  Nous  le  pourrons  bien  dire  de  bouche,  mais  ce  ne  sera  qu'hypocrisie,  sinon  que  nous  soyons  bien  resolus  de  ceste  doctrine,  comme  elle  est  ici  exposee.  Apprenons  donc  que  ceste  doctrine  de  l'election  de  Dieu,  et  par  laquelle  nous  sommes  enseignez  qu'il  nous  a  predestinez  devant  la  creation  du  monde,  que  ceste  doctrine-la  (di-ie)  se  doit  prescher  haut  et  clair  en  despit  de  tout  le  monde  qui  y  voudra  resister:  et  non  seulement  cela,  mais  cognoissons  que  c'est  un  article  qui  nous  est  plus  qu'utile,  d'autant  que  nous  ne  pouvons  pas  apprehender  a  bon  escient  la  bonte  infinie  de  nostre  Dieu,  iusques  a  ce  que  nous  soyons  parvenus  la.  Car  on  desguisera  tousiours  la  misericorde  de  Dieu,  sinon  que  nous