52:51  51  EPIST.  PAULI  AD  PHILIPPENSES  52  12.  Non  quod  iam  apprehenderim,  aut  iam  perfectus  sim:  sequor  autem,  si  ego  quoque  apprehendam,  quemadmodum  et  apprehensus  sum  a  Christo  Iesu.  13.  Fratres,  ego  meipsum  nondum  arbitror  apprehendisse.  Unum  autem,  ea  quae  retro  sunt  oblitus,  ad  ea,  quae  ante  sunt,  me  extendens,  14.  secundum  scopum  sequor  ad  palmam  supernae  vocationis  Dei  in  Christo  Iesu.  15.  Quicunque  perfecti  sumus,  hoc  sentiamus  :  et  si  quid  aliter  sentitis,  etiam  hoc  vobis  Deus  revelabit.  16.  Caeterum  quo  pervenimus,  ut  idem  sentiamus,  eadem  procedamus  regula,  17.  Simul  imitatores  mei  estote  fratres,  et  considerate  eos,  qui  sic  ambulant:  quemadmodum  nos  habetis  pro  exemplari.  12.  Non  quod  iam  apprehenderim.  In  hoc  incumbit  Paulus,  ut  Philippensibus  persuadeat,  nihil  aliud  cogitare  quam  Christum,  nihil  aliud  sapere,  nihil  aliud  appetere,  nulla  alia  meditatione  occupari.  Huc  plurimum  valet  quod  nunc  addit,  se,  qui  impedimentis  omnibus  renuntiasset,  nondum  tamen  scopum  attigisse:  ideo  semper  ulterius  tendere  et  eniti.  Quanto  hoc  magis  agendum  erat  Philippensibus,  qui  procul  adhuc  ab  ipso  distabant?  Sed  quaeritur  quid  Paulus  nondum  se  consequutum  esse  dicat.  Nam  certe  ex  quo  sumus  insiti  per  fidem  in  corpus  Christi,  iam  Dei  regnum  ingressi  sumus:  et  quemadmodum  ad  Ephesios  (2,  6)  habetur,  sedemus  iam  per  spem  in  coelestibus.  Respondeo,  salutem  nostram  in  spe  interea  sitam  esse:  ut  certa  quidem  sit  haereditas,  nondum  tamen  eius  possessione  fruamur.  Quamquam  hic  Paulus  alio  respicit,  nempe  ad  fidei  et  mortificationis,  cuius  meminerat,  profectum.  Dixerat  se  contendere  et  eniti  ad  resurrectionem  mortuorum  per  communicationem  crucis  Christi:  addit  se  nondum  id  fuisse  assequutum.  Quid?  nempe  ut  in  solidum  communicet  Christi  passionibus,  ut  perfectum  habeat  gustum  potentiae  resurrectionis,  ut  ipsum  plane  cognoscat.  Proficiendum  igitur  exemplo  suo  admonet:  ac  rem  tantae  molis  esse  Christi  cognitionem,  ut  qui  in  ea  sola  ^laborant,  nunquam  tamen  perfecti  sint  quamdiu  vivunt.  Caeterum  hoc  Pauli  doctrinae  nihil  derogat,  quia  tantum  comprehenderat  quantum  ad  exsequendum  munus  sibi  commissum  sufficeret.  Interea  proficere  ipsum  oportuit,  ut  divinus  omnium  doctor  ad  humilitatem  erudiretur.  Quemadmodum  et  apprehensus.  Membrum  hoc  interposuit  vice  correctionis,  ut  totum  suum  conatum  tribueret  Dei  gratiae.  Non  multum  refert,  legasne  quemadmodum,  an  quatenus.  Sensus  enim  idem  semper  manet,  Paulum  fuisse  apprehensum  a  Christo,  ut  Christum  apprehenderet:  hoc  est,  nihil  nisi  impulsu  et  directione  Christi  egisse.  Ego  tamen  quod  clarius  erat,  elegi,  quando  libera  videbatur  optio.  13.  Nondum  arbitror  me  apprehendisse.  Non  hic  revocat  fidem  suae  salutis  in  dubium,  quasi  ad-