51:51  51  SERMONS  52  mauvais.  Voila  (dit-il)  les  vrais  exercices  ou  il  nous  faut  mettre  toute  nostre  estude,  dit  sainct  Paul.  Et  cependant  ne  fermons  point  la  porte  aux  enfans  de  Dieu,  les  privant  du  privilege  qu'il  leur  donne:  car  quand  il  les  gouverne  par  son  sainct  Esprit,  il  ne  veut  point  qu'ils  soyent  plus  suiets  a  ce  ioug  de  la  Loy.  Or  la  dessus  sainct  Paul  adiouste  que  tous  ceux  qui  sont  de  Iesus  Christ  ont  crucifie  leur  chair  avec  leurs  affections.  Ici  il  monstre  qu'il  ne  pretend  pas  d'avoir  une  liberte  charnelle  et  de  laquelle  abusent  les  contempteurs  de  Dieu:  mais  qu'il  requiert  sur  toutes  choses  que  ceux  qui  parlent  de  liberte  chrestienne,  monstrent  que  vrayement  ils  ont  crucifie  leurs  appetis  et  toutes  leurs  concupiscences,  a  fin  d'approuver  par  ce  moyen  la  qu'ils  sont  vrais  membres  de  nostre  Seigneur  Iesus  Christ.  Or  ceci  nous  est  bien  necessaire,  a  fin  que  nous  tenions  l'ordre  legitime  et  le  but  que  Dieu  nous  enseigne,  quand  nous  voudrons  scavoir  que  c'est  de  vraye  liberte.  Auiourd'huy  il  y  en  a  beaucoup  qui  sont  Chrestiens  iusques  aux  dents  pour  manger  chair  au  vendredi  et  en  Caresme:  ils  se  mocquent  bien  de  tous  ces  menus  fatras  de  la  Papaute:  ils  diront  assez  que  si  on  fait  obligation  estroite  sur  peine  de  peche  mortel  de  ceci  et  de  cela,  que  ce  n'est  qu'abus  et  tromperie:  efc  disent  vray,  moyennant  qu'ils  bastissent  sur  un  bon  fondement  et  ferme.  Mais  quoy?  Ceux  qui  parlent  ainsi  ne  scavent  que  c'est  de  l'office  de  nostre  Seigneur  Iesus  Christ  ne  de  sa  vertu:  ils  ne  scavent  pourquoy  il  est  descendu  au  monde,  ne  quelles  graces  il  nous  communique  par  son  Evangile:  ils  ne  scavent  que  c'est  ni  de  foy,  ni  de  prier  Dieu:  et  cependant  ils  voudroyent  qu'on  leur  permist  de  faire  tout  ce  que  bon  leur  semble,  et  qu'on  leur  mist  la  bride  sur  le  col.  Et  de  ces  Chrestiens  sauvages  il  s'en  trouvera  auiourd'huy  tant  et  plus.  Cependant  la  doctrine  de  Dieu  est  blasmee  a  leur  occasion:  car  les  ennemis  de  verite  nous  alleguent  tous  ceux  qui  sont  auiourd'huy  dissolus,  et  disent  que  cela  procede  de  ce  que  nous  preschons.  Pour  ceste  cause  sainct  Paul  a  respondu  a  ses  adversaires,  et  nous  a  armez  aussi  et  munis  de  response,  a  fin  de  clorre  la  bouche  a  tous  mesdisans,  et  ceux  qui  calomnient  faussement  la  doctrine  de  l'Evangile.  En  premier  lieu  donc  quand  les  meschans  diront  que  nous  donnons  une  licence  desbordee  a  tous  ceux  qui  ne  demandent  sinon  a  s'esgayer,  voici  sainct  Paul  qui  declare  que  ceste  liberte  n'est  sinon  pour  ceux  qui  s'imposent  loix  d'eux  mesmes,  voire  en  vertu  de  la  mort  et  passion  de  nostre  Seigneur  Iesus  Christ.  Or  ceci  cependant  doit  servir  d'exhortation  a  tous  ceux  qui  imaginent  une  liberte  a  leur  fantasie.  Qu'ils  cognoissent  donc  <}U'J1  faut  estre  membres  de  nostre  Seigneur  Iesus