49:51  51  EPIST.  PAULI  AD  ROMANOS  52  Non  dubito  quin  haec  quoque  obiectio  in  persona  impiorum  proferatur.  Est  enim  velut  exegesis  superioris:  et  connectenda  fuerat,  nisi  apostolus  indignitate  permotus  medium  sermonem  abrupisset.  Sensus  est:  Si  ex  nostra  falsitate  magis  perspicua  fit  Dei  veritas  et  quodammodo  stabilitur,  unde  plus  quoque  gloriae  ad  ipsum  redit:  minime  aequum  est  ut  is  pro  peccatore  puniatur,  qui  minister  fuerit  gloriae  Dei.  8.  Et  non  quemadmodum,  ete.  Ecliptica  est  oratio,  in  qua  subaudiendum  est  verbum:  plena  erit  si  ita  resolvas:  Et  cur  non  potius  dicitur  (quemadmodum  exprobratur  nobis)  quod  facienda  sint  mala,  ut  eveniant  bona?  Neque  vero  hanc  impiam  cavillationem  responso  dignatur  apostolus:  quam  tamen  optima  ratione  licebit  retundere.  Hoc  enim  tantum  praetexit:  Si  Deus  nostra  iniquitate  glorificatur,  et  nihil  agere  in  vita  hominem  magis  decet  quam  ut  Dei  gloriam  promoveat:  peccandum  ergo  in  eius  gloriam.  At  prompta  est  depulsio:  Quod  malum  per  se,  nonnisi  malum  parere  potest.  Nostro  autem  vitio  quod  Dei  gloria  illustratur,  id  non  opus  esse  hominis,  sed  Dei:  qui,  ut  mirus  est  artifex,  malitiam  nostram  subigere  et  alio  traducere  novit,  ut  praeter  destinatum  a  nobis  finem,  eam  in  gloriae  suae  incrementum  convertat*  Praescripsit  nobis  rationem  Deus,  quas  velit  a  nobis  glorificari,  nempe  pietatem,  quae  in  verbi  obedientia  sita  est.  Hos  limites  qui  transsilit,  Deum  non  honorare,  sed  contumelia  magis  afficere  nititur.  Quod  aliter  succedit,  Dei  providentiae  ferendum  est  acceptum,  non  hominis  pravitati,  per  quam  non  stat  quominus  Dei  maiestas  evertatur,  nedum  laedatur.  Quemadmodum  exprobratur  nolis.  Mirum  est,  quum  tam  reverenter  dissereret  Paulus  de  arcanis  Dei  iudiciis,  eo  proterviae  delapsos  esse  hostes  ad  eum  calumniandum:  sed  nulla  unquam  tanta  fuit  religio  aut  sobrietas  in  servis  Dei,  quae  impuras  et  virulentas  linguas  compesceret  Non  ergo  novum  est  exemplum,  quod  hodie  doctrinam  nostram  (quam  esse  purum  Christi  evangelium  et  scimus  ipsi,  et  testes  sunt  nobis  omnes  tum  angeli,  tum  fideles)  tot  falsis  criminationibus  onerant  ac  odiosam  reddunt  adversarii.  Nihil  fingi  potest  magis  portentosum  quam  quod  impositum  fuisse  Paulo  hic  legimus:  quo  invidia  gravaretur  apud  imperitos  eius  praedicatio.  Feramus  ergo  quod  veritatem,  quam  praedicamus,  calumniando  impii  depravant.  Nec  ideo  desinamus  eius  simplicem  confessionem  constanter  tueri  :  quandoquidem  satis  habet  virtutis  ad  proterenda  dissipandaque  illorum  mendacia.  Caeterum  apostoli  exemplo  malitiosis  technis  quantum  in  nobis  erit  occurramus,  ne  impune  maledicant  creatori  flagitiosi  ac  perditi  homunciones.  Quorum  iudicium  iustum  est.  Quidam  active  accipiunt,  tantum  ut  assentiatur  illis  Paulus,  absur-