47:51  51  IN  EVANGELIUM  IOANNIS  52  hominibus  nos  latet,  ut  posset  iure  suo  inter  homines  discernere.  Christus  ergo  qui  cordium  est  cognitor  monitore  opus  non  habuit,  ut  sciret  quales  essent  isti.  Eo  autem  ingenio  praeditos  et  eo  animi  affectu  esse  noverat,  ut  merito  a  se  alienos  duceret.  Quod  quidam  rogant,  annon  exemplo  Christi  suspectos  etiam  habere  possimus,  qui  suae  probitatis  specimen  nobis  non  dederunt,  nihil  ad  praesentem  locum  facit.  Nostra  enim  ratio  longe  diversa  est,  quia  Christus  ipsas  arborum  radices  notas  hahebat,  nos  vero  nonnisi  ex  fructibus  qui  palam  apparent  cognoscimus,  qualis  sit  unaquaeque  arbor.  Porro  quum  caritas,  teste  Paulo  (1.  Cor.  13,  4),  suspicax  non  sit,  de  hominibus  ignotis  sinistre  absque  causa  suspicari  fas  non  est.  Caeterum  ne  ab  hypocritis  semper  fallamur,  et  ne  improbis  eorum  fallaciis  nimium  exposita  sit  ecclesia,  proprium  Christi  est  nos  spiritu  discretionis  instruere.  CAPUT  ui.  1.  Erat  autem  homo  ex  Pharisaeis,  Nicodemus  nomine,  princeps  inter  Iudaeos.  2.  Hic  venit  ad  Iesum  nocte,  ac  dixit  illi:  Rabbi,  scimus  quod  a  Deo  veneris  magister,  nemo  enim  haec  signa  potest  facere  quae  facis,  nisi  sit  Deus  cum  illo.  3.  Respondit  Iesus,  et  dixit  illi:  Amen,  amen  dico  tibi:  nisi  quis  iterum  natus  sit,  non  potest  videre  regnum  Dei.  4.  Dicit  illi  Nicodemus:  Quomodo  potest  homo  nasci,  quum  sit  senex?  Numquid  potest  rursus  in  uterum  matris  suae  ingredi  et  nasci?  5.  Respondit  Iesus:  Amen,  amen  dico  tibi,  nisi  quis  natus  fuerit  ex  aqua  et  spiritu,  non  potest  ingredi  in  regnum  Dei.  6.  Quod  natum  est  ex  carne,  caro  est:  et  quod  natum  est  ex  spiritu,  spiritus  est.  1.  Erat  autem  homo.  Nunc  in  persona  Nicodemi  spectandum  nobis  evangelista  proponit,  quam  fluxa  et  caduca  fuerit  eorum  fides,  qui  miraculis  commoti  Christo  repente  nomen  dederant.  Hic  enim  quum  ordine  Pharisaeus  esset  et  principem  locum  teneret  in  sua  gente,  longe  supra  alios  excellere  debuit.  Nam  in  vulgo  ut  plurimum  regnat  levitas.  Hunc  autem  qui  doctrina  et  usu  pollebat,  gravem  quoque  et  cordatum  hominem  esse,  quis  non  putasset?  Atqui  ex  responso  Christi  constat,  nihil  minus  quam  ad  discenda  pietatis  rudimenta  paratum  venisse.  Si  primarius  inter  viros  minus  est  quam  puer,  quid  de  promiscuo  grege  sentiendum?  Quanquam  autem  consilium  evangelistae  fuerit  nobis  velut  in  speculo  monstrare,  quam  pauci  Hierosolymis  ad  recipiendum  evangelium  rite  dispositi  essent,  aliis  tamen  nominibus  haec  nobis  historia  apprime  utilis  est:  ac  praesertim  quod  in  ea  docemur  de  corrupta