45:51  51  HARMONIA  EVANGELICA.  52  76.  Ut  ini  puer.  Iterum  redit  Zacharias  ad  commendationem  gratiae  Christi,  sed  hoc  facit  quasi  sub  filii  sui  persona,  officium  docendi,  cui  destinatus  erat,  breviter  definiens.  Tametsi  autem  in  parvulo  octo  dierum  infante  nondum  cernit  propheticas  do*  tes,  oculos  tamen  convertens  ad  Dei  consilium  quasi  de  re  nota  loquitur.  Vocari  Dei  prophetam  hic  pro  censeri  et  palam  cognosci  accipitur.  Iam  praecesserat  occulta  Dei  vocatio:  restabat  tantum,  ut  patefieret  hominibus,  qualis  esset.  Quia  vero  generale  est  prophetae  nomen,  ex  revelatione  sibi  per  angelum  allata  illum  Christo  apparitorem  statuit.  Praeibis  ante  faciem  Domini,  inquit:  hoc  est,  hanc  provinciam  obibis,  ut  tuo  praeconio  convertas  homines  ad  audiendum  Dominum.  Cur  autem  se  prophetam  Dei  prope  confecto  suo  cursu  Ioannes  esse  negaverit,  dictum  est  suo  loco  in  Ioannem.  Qualis  autem  sit  ista  viae  praeparatio,  postea  videbimus.  77.  Ad  dandam  scientiam  salutis.  Praecipuum  evangelii  caput  nunc  attingit  Zacharias,  dum  scientiam  salutis  in  remissione  peccatorum  positam  esse  docet.  Nam  quum  nascamur  omnes  filii  irae,  sequitur,  natura  damnatos  esse  ac  perditos:  haec  porro  damnationis  causa,  quod  iniustitiae  rei  sumus.  Quare  non  aliud  effugiendae  mortis  remedium  est,  nisi  ut  nos  sibi  Deus  reconciliet  peccata  nobis  non  imputando,  atque  hanc  unicam  nobis  coram  Deo  iustitiam  restare,  ex  Zachariae  verbis  colligere  promptum  est.  Unde  enim  salus  nisi  ex  iustitia?  jQuod  si  filiis  Dei  aliam  cognoscere  salutem  quam  ex  remissione  peccatorum  fas  non  est,  sequitur,  non  alibi  quaerendam  esse  iustitiam.  Ita  iustitia,  quam  superbi  homines  ex  operum  meritis  conflant  ac  fabricant,  nihil  aliud  est  quam  iustitiae  imputatio,  dum  nos  gratis  a  reatu  Deus  absolvit.  Ad  haec  notandum  est,  Zachariam  non  de  extraneis,  sed  de  populo  Dei  habere  sermonem.  Unde  sequitur,  non  modo  iustitiae  principium  ex  peccatorum  remissione  pendere,  sed  imputative  (ut  ita  loquar)  iustos  coram  Deo  in  finem  usque  esse  fideles,  quia  aliter  coram  eius  tribunali  consistere  nequeant,  nisi  quotidie  ad  gratuitam  reconciliationem  se  conferant.  78.  Per  viscera  misericordiae.  In  hoc  tanto  beneficio  misericordiam  Dei,  ut  par  est,  Zacharias  praedicat,  nec  contentus  eam  simpliciter  nominare,  salutem,  quae  a  Christo  allata  est,  prodiisse  dicit  ex  ipsis  misericordiae  Dei  visceribus,  quod  est  magis  emphaticum.  Postea  metaphorice  subiicit,  factum  esse  ingenti  Dei  misericordia,  ut  dies  sedentibus  in  tenebris  illucesceret.  Oriens  hic  non  est  participium:  nam  graece  est  avaToMj,  hoc  est,  regio  orientalis,  cui  occasus  opponitur.  In  hoc  extollit  Zacharias  Dei  misericordiam,  quod  discussis  mortis  tenebris  lux  vitae  fuerit  restituta  populo  Dei.  In  hunc  modum,  quoties  de  salute  nostra  agitur,  mentes  ad