44:51  IN  SOPHONIAM  52  sese  ingerant  adversus  multa  hominum  millia,  si  opus  sit,  quia  nulla  conspiratio  potest  minuere  Dei  autoritatem.  Iam  sequitur  fuisse  viros  transgressionum.  Ubi  vertimus  leves,  alii  vertunt  vacuos.  Sed  D^ms  significat  proprie  homines  nihili,  atque  etiam  temerarios,  et  qui  tam  consilio  quam  moderatione  omni  carent.  Denique  perinde  est,  ac  si  propheta  ipsos  stupidos  et  caecos  esse  diceret:  postea  diceret  fraudulentos.  Nihil  autem  magis  prophetico  officio  contrarium  est.  Sed  Sophonias  ostendit  tunc  ita  profanatum  fuisse  totum  ordinem  in  populo,  ut  densissimae  tenebrae  essent  in  ipsis  ducibus,  quorum  partes  erant  lucem  doctrinae  coelestis  praeferre.  Et  concessio  est  in  hac  voce  quum  vocat  eos  prophetas.  Quemadmodum  hodie  dum  loquimur  de  episcopis  papalibus,  certum  quidem  est  indignos  esse  tam  honorifico  elogio.  Sunt  enim  talpis  caeciores:  tantum  abest  ut  speculentur.  Deinde  scimus  etiam  similes  brutis  pecudibus  esse:  quia  demersi  sunt  in  suis  libidinibus:  denique  indigni  sunt  etiam  qui  vocentur  homines.  Sed  concedimus  illis  hunc  titulum,  qui  magis  appareat  ipsorum  turpitudo  :  quemadmodum  propheta  quum  diceret  Iudaeos  non  appropinquasse  ad  Deum  suum,  non  concessit  illis  proprie  loquendo  quod  iactabant.  Nam  volebant  semper  sacer  et  peculiaris  Dei  populus  censeri:  sed  hinc  magis  apparuit  ipsorum  ingratitudo,  quod  quum  Deus  ipsos  amplecti  paratus  esset,  retrocesserunt  et  converterunt  se  alio,  quasi  data  opera  vellent  testari  sibi  nihil  commune  cum  ipso  esse.  Ergo  eadem  est  nunc  loquendi  ratio,  quum  Sophonias  dicit  prophetas  fuisse  homines  leves  et  viros  transgressionum.  Iam  addit,  sacerdotes  polluerunt  sanctum.  Scimus  electam  fuisse  tribum  Levi  a  Deo,  ut  qui  inde  orti  erant,  essent  aliis  magistri  et  doctores  :  ideo  etiam  hoc  consilio  iussit  Dominus  in  lege  dispergi  Levitas  per  totam  regionem.  Poterat  enim  illis  etiam  dare  locum,  quemadmodum  aliis  familiis.  Sed  voluit  esse  dispersos  in  toto  populo,  ne  qua  scilicet  terrae  pars  careret  bonis  et  fidelibus  magistris.  Nunc  eos  accusat  propheta,  quod  sanctum  polluerint.  Per  nomen  E>"np  intelligit  propheta  quidquid  erat  sanctitatis:  sed  tamen  loquitur  de  sanctuario.  Caeterum,  quoniam  sanctuarium  erat  quasi  domicilium  ipsius  Dei,  quum  prophetae  de  eius  cultu  et  pietate  loquuntur,  comprehendunt  sub  templi  voce  omnia,  quemadmodum  hoc  loco.  Dicit  ergo  pollutam  fuisse  sanctitatem  a  sacerdotibus.  Deinde  sustulerunt,  vel  everterunt  legem,  inquit.  Hic  videmus  quam  libere  propheta  contra  sacerdotes  insurgat.  Itaque  non  est  cur  sibi  usurpent  licentiam  quidvis  audendi  qui  praefecti  sunt  divinitus  ecclesiae:  quia  iactare  hanc  praerogativam  poterant  sacerdotes,  ut  quidvis  ipsis  liceret  absque  controversia.  Videmus  autem  ut  Deus  non  tantum  ipsos  cogat  in  ordinem  per  prophetas  suos,  sed  etiam  traducat