42:51  51  SERMON  XXXVIII.  52  il  parle  du  sacrifice  continuel,  il  n'y  ha  nulle  doute  qu'il  ne  comprenne  toutes  les  ceremonies,  que  Dieu  avoit  commandees  en  la  loy  de  Moyse.  Or  regardons  maintenant  la  necessite  qu'avoit  le  peuple,  d'estre  ainsi  exerce  par  les  sacrifices  qui  avoient  este  ordonnes  en  la  loy,  Iesus  Christ  n'estoit  point  encores  declare  au  monde,  les  promesses  que  Dieu  avoit  donnees  aux  peres,  estoient  bien  obscures,  il  est  vray  qu'ils  avoient  bien  celles  que  nous  avons  auiourd'huy,  mais  il  s'en  falloit  beaucoup  qu'elles  fussent  si  claires  comme  nous  les  avons.  Voila  donc  les  peres  anciens  qui  avoient  quelque  petit  goust  de  l'esperance  de  la  vie  eternelle,  et  puis  ils  attendoient  que  le  redempteur  leur  fust  envoie,  a  fin  qu'il  accomplist  les  choses  qui  estoient  requises  a  leur  salut.  Or  d'autant  qu'il  y  avoit  une  telle  obscurite  en  cette  doctrine,  et  que  Iesus  Christ  (qui  est  comme  la  perfection)  n'estoit  point  encores  declare,  il  falloit  bien  que  les  fideles  eussent  quelques  aides  pour  s'apuier  dessus,  car  ils  estoient  comme  des  petits  enfans,  ie  di  quant  a  la  forme  exterieure,  car  Dieu  par  son  sainct  Esprit  a  bien  besongne  en  leurs  coeurs,  et  qu'ainsi  soit  Abraham  n'est  pas  nomme  sans  cause  le  pere  de  tous  les  enfans  de  Dieu,  il  falloit  bien  que  sa  foy  fust  excellente,  mais  tant  y  ha  que  Dieu  ha  conduit  Abraham  et  tous  les  autres,  d'une  facon  telle,  qu'alors  les  choses  estoient  bien  obscures:  ils  avoient  donc  besoin  des  sacrifices,  et  d'autres  ceremonies  que  nous  n'avons  point,  qu'auiourd'huy  Dieu  parle  a  nous  en  toute  clarte,  et  en  telle  sorte  que  nous  avons  bien  dequoy  nous  contenter  de  la  doctrine,  et  puis  nous  avons  Iesus  Christ  devant  nos  yeux,  quand  l'Evangile  est  preschee,  c'est  autant  comme  si  le  fils  de  Dieu  se  presentoit  la  avec  la  redemption  qui  ha  este  faite  pour  nous,  comme  si  son  sang  descouloit,  a  fin  de  nous  laver  de  toutes  nos  macules,  comme  s'il  nous  monstroit  la  porte  de  Paradis  ouverte,  ou  il  est  desia  entre,  a  fin  d'en  prendre  possession,  pour  j  recueillir  tous  ses  membres:  quand  nous  avons  toutes  ses  aides  la,  il  est  certain  que  les  aides  qui  estoient  necessaires  aux  peres  antiens,  auiourd'huy  ne  sont  pas  requises  pour  nous.  Or  si  les  peres  antiens  ont  este  prives  maintenant  des  sacrifices,  et  de  tout  le  reste  qui  estoit  commande  en  la  loy,  neantmoins  se  sont  confermes  en  l'esperance  qu'ils  avoient  du  redempteur,  et  qu'ils  ne  sont  point  demeures  confus,  combien  qu'on  Peust  peu  estimer  alors,  que  devons  nous  faire,  nous  qui  avons  maintenant  une  perfection  entiere  des  choses  ou  ils  n'avoient  que  des  figures  tant  seulement.  Ainsi  appliquons  ceci  a  nous,  que  s'il  advient  que  Dien  nous  oste  tous  les  moiens  qu'il  nous  ha  donnes  pour  la  confirmation  de  nostre  foy,  encores  faut  il  tenir  bon,  si  ne  faut  il  point  decliner,  et  pourquoy?  car  les  peres  ont  porte  un  tel  scandale,