39:51  51  PRAELECTIONES  52  erigit  prophetae  animum,  et  simul  etiam  pios  hortatur  atque  animat  ad  bene  sperandum.  Haec  est  praefatio,  Deus  opifex  est  Ierosolymae,  et  formator:  ergo  dubium  non  est  quin  tandem  ipsam  eripiat  ex  hostium  manibus,  imo  quin  ipsam  excitet  quasi  ex  inferis.  Hoc  ut  probet  dicit  se  esse  Deum  exercituum.  Videmus  ergo  cur  propheta,  antequam  recitet  promissionem,  exornet  Deum  magnificis  titulis.  Caeterum  dubium  est  an  de  praeterito  tempore  intelligi  debeat  quod  dicitur  Deus  Iehovah  faciens  ipsam,  Iehovah  formans  ipsam:  quia  uterque  sensus  non  male  quadrabit,  nempe  quod  Deus  ab  initio  condiderit  Ierosolymam,  et  sit  eius  opifex,  vel  quod  in  animo  habeat  ipsam  rursus  ac  de  integro  creare  et  formare.  Si  de  praeterito  tempore  hoc  accipimus,  sensus  erit,  fieri  non  posse,  ut  urbs  intereat  quae  condita  fuit  a  Deo,  quia  velit  ipsam  perpetuo  manere.  Et  eadem  sententia  saepius  recurrit  apud  prophetas,  et  in  psalmis  etiam.  Deus  enim  voluit  censeri  conditor  Ierosolymae,  ut  statum  eius  discerneret  a  reliquo  mundo.  Scimus  nihil  esse  sub  luna  perpetuum,  totus  enim  mundus  obnoxius  est  variis  agitationibus:  imo  praeterit  figura  huius  mundi,  inquit  Paulus  (1.  Cor.  7,  31),  et  evanescit.  Quum  ergo'  tot  variae  conversiones  cernantur  in  cunctis  I  urbibus,  Deus  singulari  privilegio  Ierosolymam  exemit  ab  hac  sorte:  et  ideo  probe  et  scite  ratiocinatur  propheta  cladem  urbis  non  fore  perpetuam,  quia  Deus  ipsam  condiderit.  Hinc  satis  probatur  eius  futura  restitutio.  Si  quis  trahere  malit  ad  tempus  futurum,  sensus  erit,  Iehovah,  qui  statuit  creare  Ierusalem  et  formare,  est  Deus  exercituum:  nemo  igitur  opus  eius  impediet.  Quoniam  hic  etiam  sensus  non  male  convenit,  eum  non  repudio:  quanquam  priorem  sequor.  Interea  tenendum  est  illud  principium,  promitti  restitutionem  Iudaeis,  quia  Ierosolyma  delecta  fuerit  tanquam  Dei  sacrarium,  utpote  quam  receperit  in  fidem  suam  ac  patrocinium,  ut  perpetuo  servaret.  Sive  ergo  de  praeterito,  sive  de  futuro  tempore  hoc  dictum  accipimus,  quod  Deus  sit  creator  ac  opifex  Ierosolymae,  videmus  fundari  promissionem  liberationis  in  mera  Dei  bonitate:  quoniam  scilicet  elegerat  sibi  in  domicilium  Ierosolymam,  quemadmodum  dicitur  in  Psalmo  (87,  1),  Fundamenta  eius  in  montibus  sanctis.  Et  illic  etiam  relativum  ponitur  suppresso  Dei  nomine,  quemadmodum  nunc  urbis,  Sic  dicit  Iehovah,  qui  creavit  eam,  qui  formavit  eam,  ut  stabiliat  eam.  Hic  tacetur  nomen  Ierosolymae:  sed  magis  emphatica  est  ista  relatio,  quam  si  fuisset  expressum,  quemadmodum  et  in  illo  quem  citavimus  loco  subauditur  Dei  nomen,  et  iterum  ecclesiae,  37.  cap.  Isaiae,  nisi  fallor.  Quum  ergo  dicit  propheta  fundamenta  eius  esse  in  montibus  sanctis,  non  dubium  est  quin  Deum  velit  intelligi  etiam  si  nomen  eius  non  exprimitur.  Ita  hic  quum  de  urbe  verba  facit,  Deus