33:51  51  SERMON  III  52  Dieu,  d'autant  qu'ils  y  vont  brutalement.  Comme  quoy?  Il  est  vray  que  nous  n'aurons  point  icy  d'idoles,  il  est  vray  que  nous  n'aurons  point  tous  ces  menus  fatras  qui  sont  en  la  Papaute,  dont  le  service  de  Dieu  est  infecte,  et  corrompu.  Mais  combien  y  en  a  il  qui  pensent  s'estre  acquittez,  quand  ils  auront  fait  quelque  ceremonie,  qu'ils  auront  oste  leur  bonnet,  ou  ploye  leur  genouil?  Les  voila  (ce  leur  semble)  quittes  devant  Dieu,  et  cependant  ils  ne  regardent  point  a  ceste  humilite,  que  i'ay  dite,  que  quand  nous  approcbons  de  Dieu,  il  faut  que  nous  nous  rendions  coulpables  devant  luy  a  cause  de  nos  pechez,  ils  ne  regardent  point  le  moyen  de  cercher  grace  en  nostre  Seigneur  Iesus  Christ,  ils  ne  regardent  point  de  se  dedier  a  Dieu  en  toute  purete,  pour  luy  estre  sanctifiez:  rien  de  tout  cela.  Ils  auront  bien  des  ceremonies  externes  :  voire,  mais  (comme  i'ay  dit)  tout  cela  n'est  rien.  Ainsi  donc  apprenons  de  servir  Dieu  en  esprit  et  en  verite,  et  la  foy  sera  une  bonne  guide  a  cela,  quand  nous  aurons  nos  yeux  fichez  sur  la  parole  de  Dieu,  laquelle  nous  conduira  tousiours  a  nostre  Seigneur  Iesus  Christ,  qui  est  le  patron  celeste,  et  auquel  ii  faut  que  nous  contemplions  quelle  est  la  volonte  de  Dieu  son  pere,  pour  nous  y  rariger.  Voila  quant  aux  sacrifices,  desquels  il  est  ici  fait  mention.  Or  quand  il  est  dit,  que  Iob  offroit  des  sacrifices  selon  le  nombre  de  ses  enfans,  c'est  pour  monstrer,  qu'il  n'a  point  espargne  sa  substance,  laquelle  Dieu  luy  avoit  mise  entre  mains.  S'il  eust  este  povre  homme,  il  n'eust  pas  laisse  d'estre  agreable  a  Dieu,  encores  qu'il  n'eust  apporte  nuls  sacrifices:  mais  d'autant  qu'il  a  le  moyen  et  la  faculte  de  ce  faire,  il  est  dit,  qu'il  s'y  employe.  Or  maintenant  appliquons  cecy  a  nous.  I'ay  desia  dit,  que  nous  n'avons  plus  les  sacrifices,  qui  ont  este  devant  la  venue  de  nostre  Seigneur  Iesus  Christ:  mais  quand  il  est  question  de  prier  Dieu  (comme  c'est  le  principal  service  qu'il  demande,  que  nous  l'invoquions)  que  nous  confessions,  que  tout  nostre  bien  gist  en  luy,  et  que  nous  luy  rendions  actions  de  graces  pour  ses  benefices,  et  que  nous  taschions  de  nous  sanctifier  et  corps  et  ames,  afin  que  le  tout  soit  consacre  a.  son  honneur,  et  que  nous  servions  aussi  a  nos  prochains  de  ce  qu'il  nous  a  donne,  sachans  que  nous  sommes  au  monde,  a  fin  que  nous  communiquions  les  uns  avec  les  autres,  tellement  que  personne  ne  soit  adonne  a  soy,  mais  qu'on  profite  aux  membres,  ausquels  Dieu  nous  aura  conioints  et  unis.  Puis  qu'ainsi  est  donc,  qu'un  chacun  regarde  a  soi.  Il  est  vray  que  de  prier  Dieu,  cela  est  commun  a  tous:  mais  en*  cores  si  faut-il  qu'un  chacun  de  nous  se  solicite  selon  la  cognoissance  qu'il  a.  Quand  un  homme  sera  mieux  instruit  que  les  autres,  il  est  certain