3:51  51  INSTITUTION  CHRESTIENNE.  52  conclu  que  ce  n'est  pas  une  doctrine  qu'on  commence  seulement  d'apprendre  en  l'escole,  mais  de  laquelle  chacun  doit  estre  maistre  et  docteur  pour  soy  dés  le  ventre  de  la  mere,  et  laquelle  nature  mesme  ne  souffre  point  qu'on  oublie,  combien  que  plusieurs  y  appliquent  toute  leur  estude.  Or1)  si  tous  hommes  naissent  et  vivent  à  ceste  condition  de  cognoistre  Dieu,  et  que  la  cognoissance  de  Dieu,  si  elle  ne  s'avance  iusques  là  où  i'ay  dit,  soit  vaine  et  s'esvanouisse:  il  appert  que  tous  ceux  qui  n'adressent  point  toutes  leurs  pensées  et  leurs  oeuvres  à  ce  but,  se  fourvoyent  et  s'esgarent  de  la  fin  pour  laquelle  ils  sont  créez.  Ce  qui  n'a  pas  esté  incogneu  mesme  des  Philosophes  payens:  car  c'est  ce  qu'a  entendu  Platon,  disant  que  le  souverain  bien  de  l'ame  est  de  ressembler  à  Dieu,  quand  apres  l'avoir  cogneu,  elle  est  du  tout  transformée  en  luy.2)  Parquoy  un  certain  personnage  qu'introduit  Plutarche,  argue  tresbien,  en  remonstrant  que  si  on  oste  la  religion  de  la  vie  des  hommes,  non  seulement  ils  n'auront  de  quoy  pour  estre  preferez  aux  bestes  brutes,  mais  seront  beaucoup  plus  miserables,  veu  qu'estans  suiets  à  tant  d'especes  de  miseres,  ils  meneront  en  grand  regret  et  angoisse  une  vie  pleine  de  trouble  et  inquietude.  Dont  il  conclud  qu'il  n'y  a  que  la  religion  qui  nous  rende  plus  excellens  que  les  bestes  brutes,  veu  que  c'est  par  icelle  que  nous  tendons  à  immortalité.