29:51  51  SERMON  CLXXXYII.  52  que  nous  ne  provoquions  point  Pire  de  Dieu  a.  nostre  escient,  de  peur  de  sentir  sa  vengeance  horrible:  et  puis  c'est  pour  nous  esiouir,  et  pour  nous  consoler,  d'autant  que  nous  voyons  que  Dieu  prend  la  guerre  contre  nos  ennemis  pour  venger  nos  iniures,  comme  si  elles  estoyent  faites  a  sa  personne.  Or  au  reste  si  nous  voulons  obeyr  a  l'exhortation  de  S.  Paul,  notons  qu'il  ne  nous  faut  point  seulement  remettre  a.  Dieu  la  vengeance:  mais  qu'il  faut  aussi  nous  tenir  comme  bridez  et  captifs,  afin  de  n'appetter  point  que  Dieu  execute  tout  ce  que  nous  avons  imagine  a  nostre  phantasie  :  car  il  y  en  a  bien  qui  ne  se  vengeront  point  de  leur  main,  mais  ils  voudroyent  que  Dieu  fist  selon  qu'ils  ont  conceu  en  leur  cerveau,  et  mesmes  ils  prient  Dieu  qu'il  foudroye  contre  leurs  ennemis.  Or  au  contraire  ii  nous  est  commande  de  prier  pour  le  salut  de  ceux  qui  nous  offensent.  Il  ne  nous  faut  pas  donc  seulement  abstenir  de  vengeance,  mais  il  faut  prier  Dieu  qu'il  pardonne  a  nos  ennemis,  qu'il  les  convertisse,  et  qu'il  ait  pitie  d'eux  :  car  si  nous  voulons  nous  venger,  comment  donnerons-  nous  lieu  a  l'ire  de  Dieu?  Il  est  vray  que  si  nos  ennemis  sont  desesperez  du  tout,  qu'ils  soyent  incorrigibles:  il  faut  que  nous  les  remettions  entre  les  mains  du  iuge.  Mais  cependant  iusques  a  ce  qu'il  n'y  ait  plus  aucun  espoir,  que  tousiours  nous  desirions  qu'ils  se  convertissent  a  Dieu,  et  que  nous  leur  servions  a  cela,  les  instruisant  en  tant  qu'en  nous  sera.  Donner  donc  lieu  a  ire,  ce  n'est  pas  seulement  d'avoir  les  mains  liees,  afin  de  ne  tuer  ne  meurtrir  :  mais  c'est  afin  que  nos  affections  soyent  la  bridees,  mesmes  que  nous  n'appettions  nul  mal  a  nos  ennemis:  mais  plustost  quand  ils  converseront  ici  bas,  que  nous  demandions  a  Dieu  quil  les  recoive  a  pitie  et  a  merci,  iusques  a  ce  qu'il  y  aura  quelque  esperance.  Poursuyvons  maintenant  la  sentence  de  Moyse.  A  moy  est  la  vengeance  (dit-il)  et  retribution,  ou  ie  rendray:  car  le  mot  dont  use  Moyse,  se  peut  bien  translater  ainsi:  C'est  a  moy  la  vengeance,  ainsi  ie  la  rendray.  Comme  si  nostre  Seigneur  disoit:  Ie  feray  ce  qui  est  de  mon  droict:  car  ie  ne  suis  point  comme  les  hommes  mortels  qui  souvent  deffaillent,  qui  auront  les  tiltres,  et  n'auront  point  l'effect:  puis  donc  que  la  vengeance  m'appartient,  ie  rendray  a  un  chacun  ce  qu'il  aura  desservi.  Et  ainsi  de  la  il  conclud:  Que  leur  pied  glissera  en  temps  opportun.  Ici  Moyse  a  voulu  monstrer,  que  si  Dieu  a  espargne  les  Iuifs,  ce  n'est  pas  a  dire  pour  tant  qu'il  les  ait  quittez  du  tout:  mais  qu'il  les  attend  pour  voir  si  en  la  fin  ils  se  retourneront  a  luy:  et  quand  il  les  voit  obstinez,  qu'en  la  fin  ils  trebuscheront,  voire  en  une  minute  de  temps.  Il  adiouste  notamment:  En  temps  opportun,  pour  monstrer  qu'il  cognoist  comme  il  faut  qu'il  modere  ses  verges;  et  s'il  ne